ଉତ୍ତରପ୍ରଦେଶର ୨୯ଟି, ପଶ୍ଚିମବଙ୍ଗର ୧୦ଟି ଆସନ ପାଇଁ ପ୍ରାର୍ଥୀ ଘୋଷଣା କଲା ବିଜେପି, ପିଲିଭିଟରୁ ବରୁଣ ଗାନ୍ଧି
ସୁଲତନପୁରରୁ ଲଢ଼ି.ବେ ମେନକା ଗାନ୍ଧି
ନୂଆଦିଲ୍ଲୀ : ବିଜେପି ଉତ୍ତରପ୍ରଦେଶ ଓ ପଶ୍ଚିମବଙ୍ଗର କେତେକ ଆସନ ପାଇଁ ପ୍ରାର୍ଥୀ ଘୋଷଣା କରିଛି । ଉତ୍ତରପ୍ରଦେଶର ୨୯ଟି ଓ ପଶ୍ଚିମବଙ୍ଗର ୧୦ଟି ଆସନ ପାଇଁ ଦଳ ଏହି ଘୋଷଣା କରିଛି । ବିଜେପିରେ ଆଜି ଯୋଗ ଦେଇଥିବା ବଲିଉଡ ଅଭିନେତ୍ରୀ ଜୟାପ୍ରଦା ରାମପୁର ଆସନରୁ ଲଢିବେ । ସେ ସମାଜବାଦୀ ପାର୍ଟି ନେତା ଆଜମ ଖାଁଙ୍କ ବିରୋଧରେ ଲଢିବେ ।
Sambad is now on WhatsApp
Join and get latest news updates delivered to you via WhatsApp
ଆଉ ଏକ ଗୁରୁପୂର୍ଣ୍ଣ କଥା ହେଉଛି ଯେ ରାହୁଲ ଗାନ୍ଧିଙ୍କ ଭାଇ ତଥା କେନ୍ଦ୍ରମନ୍ତ୍ରୀ ମେନକା ଗାନ୍ଧିଙ୍କ ପୁଅ ବରୁଣ ଗାନ୍ଧିଙ୍କ ନାଁ ମଧ୍ୟ ଏହି ତାଲିକାରେ ରହିଛି । ସେ ପିଲିଭିଟ ଆସନରୁ ଲଢିବେ । ସେ କଂଗ୍ରେସରେ ମିଶିବେ ବୋଲି କିଛି ଦିନ ତଳେ ଚର୍ଚ୍ଚା ଉଠିଥିଲା । କିନ୍ତୁ ତାଙ୍କ ନାଁ ପ୍ରାର୍ଥୀ ତାଲିକାରେ ପ୍ରକାଶ ପାଇବା ପରେ ଏହି ଚର୍ଚ୍ଚାର ଅବସାନ ହୋଇଛି । ସେହିପରି ସୁଲତନପୁରରୁ ତାଙ୍କ ମା’ ମେନକା ଗାନ୍ଧି ଲଢିବେ । ଆହ୍ଲାବାଦ ଆସନରୁ ରୀତା ବହୁଗୁଣା ଜୋଶୀଙ୍କୁ ଦଳ ପ୍ରାର୍ଥୀ କରିଛି ।