ବିଜେପି ସିଇସି ବୈଠକ : ପୁରୀରୁ ଲଢିବେ ସଂବିତ ପାତ୍ର, ଆମେଥିରୁ ସ୍ମୃତି ଇରାନୀ !
ନୂଆଦିଲ୍ଲୀ ; ଏଠାରେ ଥିବା ବିଜେପି ମୁଖ୍ୟାଳୟରେ ଦଳର କେନ୍ଦ୍ରୀୟ ନିର୍ବାଚନ କମିଟିର ବୈଠକ ଆରମ୍ଭ ହୋଇଛି । ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ଅଧ୍ୟକ୍ଷ ଅମିତ ଶାହା, ଗୃହମନ୍ତ୍ରୀ ରାଜନାଥ ସିଂ, କେନ୍ଦ୍ରମନ୍ତ୍ରୀ ସୁଷମା ସ୍ବରାଜ, ନିତିନ ଗଡକରୀ ପ୍ରମୁଖ ଯୋଗ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଏହି ବୈଠକରେ ଉତ୍ତରପ୍ରଦେଶ, ବିହାର, ପଶ୍ଚିମବଙ୍ଗ, ଓଡ଼ିଶା ସମେତ ୧୦ଟି ରାଜ୍ୟର ଲୋକସଭା ଆସନ ସଂପର୍କରେ ନିଷ୍ପତ୍ତି ନିଆଯାଉଛି । ଓଡ଼ିଶାର ପୁରୀ ଲୋକସଭା ଆସନରୁ ସଂବିତ ପାତ୍ର, ବିହାରର ପାଟନାସାହିବରୁ ରବି ଶଙ୍କର ପ୍ରସାଦ ଓ ଉତ୍ତରପ୍ରଦେଶର ଆମେଥିରୁ ସ୍ମୃତି ଇରାନୀ ଲଢିବେ । ବୈଠକ ପରେ ଏ ନେଇ ଦଳ ପକ୍ଷରୁ ଆନୁଷ୍ଠାନିକ ଘୋଷଣା କରାଯିବ ।
ବିଜେପିର କେନ୍ଦ୍ରୀୟ ନିର୍ବାଚନ କମିଟି ବା ସିଇସିର ଏହା ହେଉଛି ୨ୟ ବୈଠକ । ପୂର୍ବରୁ ଦଳ ଉଧମପୁର-ଦୋଡାରୁ ଡଃ ଜିତେନ୍ଦ୍ର ସିଂ, ଜାମ୍ମୁ ପୁଂଚରୁ ଯୁଗଳ କିଶୋର ଶର୍ମା ଓ ବାରାମୁଲା-କୁପଓ୍ବାଡା ଲୋକସଭା ଆସନ ପାଇଁ ମହମ୍ମଦ ମକବୁଲ ଓ୍ବାରଙ୍କ ନାମ ଘୋଷଣା କରିସାରିଛି ।