ପିଲାମାନଙ୍କ କଥାର ଉତ୍ତର ମୁଁ ଦିଏ ନାହିଁ, ରାହୁଲଙ୍କୁ ଆକ୍ଷେପ କରି କହିଲେ ମମତା
କୋଲକତା : ପିଲାମାନଙ୍କ କଥାର ଉତ୍ତର ମୁଁ ଦିଏ ନାହିଁ । ରାହୁଲ ଗାନ୍ଧିଙ୍କୁ ଆକ୍ଷେପ କରି ପଶ୍ଚିମ ବଙ୍ଗ ମୁଖମନ୍ତ୍ରୀ ମମତା ବାନାର୍ଜି ଏକଥା କହିଛନ୍ତି । ରାହୁଲ ତାଙ୍କୁ ସ୍ବେଚ୍ଛାଚାରୀ ଓ ମିଥାବାଦୀ କହିବା ପ୍ରତିକ୍ରିୟାରେ ସେ ଏକଥା କହିଛନ୍ତି । ସେ ମଧ୍ୟ ରାହୁଲଙ୍କ ସର୍ବନିମ୍ନ ଆୟ ସ୍କିମ ସଂପର୍କରେ ପ୍ରତିକ୍ରିୟା ଦେବାକୁ ମନା କରିଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ରାହୁଲ ଗାନ୍ଧି ପଶ୍ଚିମ ବଙ୍ଗର ମାଲଦାଠାରେ ଅନୁଷ୍ଠିତ ଏକ ନିର୍ବାଚନୀ ସଭାରେ ମମତାଙ୍କୁ ଟାର୍ଗେଟ କରି କହିଥଲେ ଯେ ସେ ମନଇଚ୍ଛା ପଶ୍ଚିମବଙ୍ଗକୁ ଚଳାଉଛନ୍ତି । ସେ କାହାସହିତ କଥା ହୁଅନ୍ତି ନାହିଁ ବା କାହାର ପରାମର୍ଶ ନିଅନ୍ତି ନାହିଁ ।
ଏହି ସଭାରେ ଉଦବୋଧନ ଦେଇ ରାହୁଲ ମୋଦିଙ୍କୁ ମଧ୍ୟ ଟାର୍ଗେଟ କରିଥିଲେ । ସେ କହିଥିଲେ ଯେ ଦେଶରେ ବେକାରି ସ୍ଥିତି ବେଶ ଚିନ୍ତାଜନକ ରହିଛି । କୃଷମାନେ କୌଣସି ସହାୟତା ପାଉନାହାନ୍ତି । କିନ୍ତୁ ମୋଦି ମିଛ କହିବାରେ ବ୍ୟସ୍ତ ଅଛନ୍ତି । ସେ ବାରମ୍ବାର ବିଭିନ୍ନ ମିଛ ପ୍ରତିଶ୍ରୁତି ଦେଇଚାଲିଛନ୍ତି । କିନ୍ତୁ କୌଣସି ପ୍ରତିଶ୍ରୁତିକୁ ପୂରଣ କରୁନାହାନ୍ତି ।