ଏନଡିଟିଭିକୁ ବୈଜୟନ୍ତଙ୍କ ସାକ୍ଷାତକାର : କହିଲେ, ନବୀନ ସରକାରର ସମୟ ସରିଆସୁଛି

ଭୁବନେଶ୍ୱର : ବିଜେପି ନେତା ବୈଜୟନ୍ତ ପଣ୍ଡା ତାଙ୍କର ଖରାପ ସ୍ୱାସ୍ଥ୍ୟାବସ୍ଥା ସଂପର୍କରେ ଅପପ୍ରଚାର କରୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ କାଲି ଯେଉଁ ଆରୋପ ଲଗାଇଥିଲେ ଆଜି ତାହାର ଜବାବ ରଖିଛନ୍ତି ବୈଜୟନ୍ତ । ଏନଡିଟିଭିକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ଏପରି ଅଭିଯୋଗ କେବଳ ହାସ୍ୟାସ୍ପଦ ନୁହେଁ, ବରଂ ଦୁଃଖଦାୟକ । ମୋ ବିରୋଧରେ ଏପରି ଷଡ଼ଯନ୍ତ୍ର କଥା ବିଜେଡ଼ିକୁ ନିୟନ୍ତ୍ରଣ କରୁଥିବା ଏକ ଛୋଟ ପ୍ରଭାବଶାଳୀ ଗୋଷ୍ଠୀ ପ୍ରଚାର କରୁଛନ୍ତି । କିନ୍ତୁ ବିନା କୌଣସି ଆଧାରରେ ଏପରି ଅପପ୍ରଚାର ହାସ୍ୟାସ୍ପଦ ।

Not furious, but sad.
Instead of using such adjectives, plz air the full interview?
Besides showing me as is, it has much more of interest to anyone watching the Odisha elections??

“Naveen Patnaik Has Reached Sell-By Date – Jay Panda’s Furious Rebuttal” https://t.co/YrbuTUD91Z

— Chowkidar Baijayant Jay Panda (@PandaJay) April 9, 2019

କ୍ଷମତା ପାଇଁ ଅପପ୍ରଚାର କରୁଥିବା ଅଭିଯୋଗକୁ ଖଣ୍ଡନ କରି ସେ କହିଛନ୍ତି ଯେ ନିଜର ୧୮ ବର୍ଷର ସାଂସଦ ଜୀବନ ମଧ୍ୟରେ ସେ କେବେ ମଧ୍ୟ କୌଣସି ସରକାରୀ ପଦବୀରେ ରହିନାହାନ୍ତି । କେବଳ କେତେକ ନିର୍ଦ୍ଦିଷ୍ଟ ଆଦର୍ଶ ଓ କେତେକ ସ୍ୱତନ୍ତ୍ର ପ୍ରକାରର ଲକ୍ଷ୍ୟ ହାସଲ ପାଇଁ ସେ ରାଜନୀତି କରୁଛନ୍ତି । ସଂସଦ ଭିତରେ ଓ ବାହାରେ ତାଙ୍କର କାର୍ଯ୍ୟ ଏହା ପ୍ରମାଣିତ କରୁଛି ବୋଲି ବୈଜୟନ୍ତ କହିଛନ୍ତି ।

ଗତକାଲି ଏନଡିଟିଭିକୁ ମୁଖ୍ୟମନ୍ତ୍ରୀ କହିଥିଲେ ଯେ ତାଙ୍କ ସ୍ବାସ୍ଥ୍ୟାବସ୍ଥା ସଂପର୍କରେ ଅପପ୍ରଚାର କରି ବୈଜୟନ୍ତ ନିଜକୁ ତାଙ୍କର ଏକ ରାଜନୈତିକ ବିକଳ୍ପ ଭାବରେ ଉପସ୍ଥାପନ କରିବାକୁ ଚେଷ୍ଟା କରୁଛନ୍ତି ।