ହିମାଚଳ ପ୍ରଦେଶରେ ନିର୍ବାଚନ ଡିୟୁଟିରେ ଥିବା ତିନି ସରକାରୀ କର୍ମଚାରୀ ମୃତ
ଶିମ୍ଲା: ନିର୍ବାଚନ ଡିୟୁଟି କରୁଥିବା ସମୟରେ ହିମାଚଳ ପ୍ରଦେଶରେ ଭିନ୍ନ ଭିନ୍ନ କାରଣରୁ ତିନି ଜଣ ସରକାରୀ କର୍ମଚାରୀଙ୍କର ମୃତ୍ୟୁ ଘଟିଛି ବୋଲି ରାଜ୍ୟର ଜଣେ ନିର୍ବାଚନ କର୍ମଚାରୀ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମୃତ କର୍ମଚାରୀଙ୍କ ମଧ୍ୟରେ ଅଛନ୍ତି ଜନଜାତି ଅଧ୍ୟୁଷିତ କିନ୍ନୌର ଜିଲ୍ଲା ଅନ୍ତର୍ଗତ ସାପ୍ରି ଠାରେ ଥିବା ଏକ ସରକାରୀ ସିନିୟର ବିଦ୍ୟାଳୟ ପିଜିଟି ଭାବେ କାମ କରୁଥିବା ପ୍ରିଜାଇଡିଙ୍ଗ୍ ଅଫିସର୍ ବନୀତ କୁମାର, ସୋଲାନ୍ ଜିଲ୍ଲାର ଆର୍କି ତହସିଲ୍ ଅନ୍ତର୍ଗତ ଚନ୍ଦେରା ଗାଁର ହୋମ୍ଗାର୍ଡ ଯବାନ ଦେବୀ ସିଂହ ଏବଂ କୁଲ୍ଲ ଜିଲ୍ଲାର ମନାଲି ତହସିଲ୍ ଅନ୍ତର୍ଗତ ସଜଳ ଗାଁର ଜୁନିୟର୍ ଟେକ୍ନିସିଆନ୍ ଲୋଲ୍ ରାମ।
ନିର୍ବାଚନ ଡିୟୁଟିରେ ଥିବା ଏହି ସରକାରୀ କର୍ମଚାରୀମାନଙ୍କ ଦୁଃଖଦ ମୃତ୍ୟୁ ପାଇଁ ଶୋକ ବ୍ୟକ୍ତ କରି ରାଜ୍ୟ ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ଦଲୀପ ନେଗି କହିଛନ୍ତି ଯେ ମୃତ ବ୍ୟକ୍ତିମାନଙ୍କ ପରିବାରକୁ ୧୫ ଲକ୍ଷ ଟଙ୍କା ଲେଖାଁଏ ଅନୁକମ୍ପାମୂଳକ ସହାୟତା ମିଳିବ।
ରବିବାର ଦିନ ହିମାଚଳ ପ୍ରଦେଶର ଶିମ୍ଲା, ହାମିରପୁର, କଙ୍ଗାର ଓ ମଣ୍ଡି ଆସନ ପାଇଁ ଭୋଟ୍ ଗ୍ରହଣ କରାଯାଉଛି।