ପ୍ରତିଦିନ ମକା ଖାଇଲେ ଶରୀରକୁ ମିଳିବ ଏହି ସବୁ ଫାଇଦା
ପାଟିକୁ ସୁଆଦିଆ ଲାଗିବା ସହ ଶରୀର ପାଇଁ ମଧ୍ୟ ଲାଭଦାୟକ ହୋଇଥାଏ ମକା । ଭିଟାମିନ୍, ମିନେରାଲ୍ସ ଏବଂ ଅନ୍ୟ ପୋଷକ ତତ୍ତ୍ୱରେ ଭରପୂର ଥିବା ମକା କେବଳ ଓଜନ କମାଇବା ପାଇଁ ନୁହେଁ ଶରୀରର ଅନେକ ସମସ୍ୟା ମଧ୍ୟ ଦୂର କରିଥାଏ । ୧୦୦ଗ୍ରାମ୍ ମକାରେ ୮୬କ୍ୟାଲୋରି, ୧% ଫ୍ୟାଟ୍, ୦% କୋଲେଷ୍ଟ୍ରଲ, ୧୫ମିଲିଗ୍ରାମ ସୋଡିୟମ୍, ୭% ପୋଟାସିୟମ୍, ୬%କାର୍ବୋହାଇଡ୍ରେଟ୍, ୩.୨ ଶର୍କରା, ୬%ପ୍ରୋଟିନ୍ ଇତ୍ୟାଦି ରହିଥାଏ । ଆସନ୍ତୁ ଜାଣିବା ପ୍ରତିଦିନ ମକା ଖାଇବା ଦ୍ୱାରା ଶରୀରକୁ ମିଳୁଥିବା ଫାଇଦା ବିଷୟରେ….
Sambad is now on WhatsApp
Join and get latest news updates delivered to you via WhatsApp
୧. ମକାରେ ଭରପୂର ମାତ୍ରରେ ଡାଏଟ୍ରି ଫାଇବର ରହିଥାଏ । ଯାହା ପାଚନକ୍ରିୟାକୁ ସୁସ୍ଥ ରଖିବା ସହ ପେଟଜନିତ ସମସ୍ୟାକୁ ଦୂର କରିଥାଏ । ସଂନ୍ଧ୍ୟା ସମୟରେ ମକାକୁ ଶିଝାଇ ଆପଣ ଏହାକୁ ଖାଇ ପାରିବେ ।
୨.ମକାରେ ଭିଟାମିନ୍ ବି ୧୨, ଆଇରନ୍ ଏବଂ ଫଲିକ୍ ଏସିଡ୍ ରହିଥାଏ । ଯାହା ଲାଲ୍ ରକ୍ତ କୋଷିକାକୁ ଉତ୍ପନ୍ନ କରିବାରେ ସାହାଯ୍ୟ କରିଥାଏ। ଏହାକୁ ଖାଇବା ଦ୍ୱାରା ଶରୀରରେ ରକ୍ତର ଅଭାବ ଦୂର ହୋଇଥାଏ । ଯଦି ଆପଣ ଆନେମିଆ ରୋଗରେ ପୀଡ଼ିତ, ତେବେ ଆଜିଠାରୁ ମକା ଖାଇବା ଆରମ୍ଭ କରନ୍ତୁ ।
୩.ମକା ଖାଇବା ଦ୍ୱାରା ଶରୀରକୁ ସାରା ଦିନ କାମ କରିବାର ଶକ୍ତି ମିଳିଥାଏ । ଏଥିରେ କମ୍ପ୍ଲେକ୍ସ କାର୍ବସ୍ ରହିଥାଏ । ଯାହା ଶରୀରକୁ ଅଧିକ ଶକ୍ତି ଯୋଗାଇଥାଏ ।
୪. ଓଜନ କମାଇବା ବା ବଢ଼ାଇବା ପାଇଁ ମକା ଖାଇବା ଆରମ୍ଭ କରନ୍ତୁ । ଓଜନ କମାଇବା ପାଇଁ ଚାହୁଁଥିଲେ କେବଳ ସକାଳ ସମୟରେ ହିଁ ମକା ଖାଇବା ସହ ବଢ଼ାଇବା ପାଇଁ ଚାହୁଁଥିଲେ ଦିନକୁ ତିନି ଥର ମକା ଖାଇବା ଆରମ୍ଭ କରନ୍ତୁ ।