ଆଜିକାଲି ଫାଷ୍ଟଫୁଡ଼ଠାରୁ ଆରମ୍ଭ କରି ଫାଇଭଷ୍ଟାର ହୋଟେଲ ପର୍ଯ୍ୟନ୍ତ ସବୁଠି ଖାଦ୍ୟକୁ ପ୍ୟାକ୍ କରିବା ପାଇଁ ଆଲୁମିନିୟମ ଫଏଲର ବ୍ୟବହାର କରାଯାଉଛି। ଘରକୁ ଖାଦ୍ୟ ନେବା ପାଇଁ ଏହାକୁ ସବୁଠୁ ଭଲ ପଦ୍ଧତି ବୋଲି ଲୋକେ ଭାବନ୍ତି । କିନ୍ତୁ ଆପଣ ଯଦି ଜାଣିବେ ଯେ ଖାଦ୍ୟ ସହିତ ଆଲୁମିନିୟମ ଫଏଲ୍ ଲାଗିଲେ ଏହାର କୁପ୍ରଭାବ ଖାଦ୍ୟ ଉପରେ ପଡ଼େ ତେବେ ଏଥିରୁ ନିବୃତ୍ତ ରହିବେ ।
Sambad is now on WhatsApp
Join and get latest news updates delivered to you via WhatsApp
ଅତ୍ୟଧିକ ଗରମ ଥିବା ଖାଦ୍ୟକୁ ଆଲୁମିନିୟମ୍ ଫଏଲ୍ରେ ଗୁଡ଼ାନ୍ତୁ ନାହିଁ । କାରଣ ଏହା ଦ୍ୱାରା ଆଲୁମିନିୟମ୍ ଫଏଲ୍ ତରଳି ଯାଇଥାଏ ଓ ଖାଦ୍ୟରେ ଥିବା ପୁଷ୍ଟିକର ତତ୍ତ୍ୱରେ ମିଶିଯାଇଥାଏ । ଖାଲି ସେତିକି ନୁହଁ , ଏପରି କରିଲେ ଅଲଜାଇମର୍ ଓ ଡ଼ିମୋନସିୟା ଭଳି ରୋଗ ହେବାର କି ଅଶଙ୍କା ରହିଛି।
ଆଲୁମିନିୟମ୍ ଫଏଲରେ ଟମାଟୋ, ସାଇଟ୍ରିକ ଏସିଡ୍ ଥିବା ଫଳ ଓ ମସଲାଯୁକ୍ତ ଖାଦ୍ୟ ରଖି ପ୍ୟାକ୍ କରିବା ଅନୁଚିତ । ଏଭଳି କରିଲେ ଖାଦ୍ୟରେ ସହଜରେ ବ୍ୟାକ୍ଟେରିଆ ପ୍ରବେଶ କରିଥାଏ । ଯଦି କୌଣସି ଖାଦ୍ୟ ପଦାର୍ଥ ଫ୍ରିଜରେ ରଖୁଛନ୍ତି ତେବେ ଆଲୁମିନିୟମ୍ ଫଏଲର ବ୍ୟବହାର କରନ୍ତୁ ନାହିଁ । ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଲା ଯେ କେବେ ବି ବଳକା ଖାଦ୍ୟକୁ ଆଲୁମିନିୟମ ଫଏଲ୍ରେ ପ୍ୟାକ କରନ୍ତୁ ନାହିଁ । ତା’ଛଡ଼ା ଏଥିରେ ଖାଦ୍ୟ ରଖି ମାଇକ୍ରୋଓଭେନରେ ଗରମ କରିବା ବି ଅନୁଚିତ । ଠିକ୍ ସେହିପରି ଘରେ କେବେ ବି ଆଲୁମିନିୟମ୍ ପାତ୍ରରେ ଖାଦ୍ୟ ରାନ୍ଧନ୍ତୁ ନାହିଁ । କାରଣ ଏଥିରେ ପ୍ରସ୍ତୁତ ଖାଦ୍ୟ ଖାଇଲେ କିଡ୍ନି ଓ ହାଡ଼ର କ୍ଷତି ଘଟିଥାଏ।