ବାସ୍ ୨ଟି ଗୁଜୁରାତି ଖାଇ ହଟାନ୍ତୁ ପେଟର ଚର୍ବି, ନିଦ୍ରାହୀନତା ଦୂର ହେବା ସହ ଦୂର ହେବ ଅନେକ ଶାରୀରିକ ସମସ୍ୟା
ଆମ ଦେଶରେ ପ୍ରତି ରୋଷଇ ଘରେ ଗୁଜୁରାତିର ବ୍ୟବହାର କରାଯାଇଥାଏ । ଖାଇବାର ସ୍ୱାଦ ବଢ଼ାଇବା ସହ ଅନେକ ଶାରୀରିକ ସମସ୍ୟା ଦୂର କରିଥାଏ ଗୁଜୁରାତି । କିଛି ଲୋକ ଗୁଜୁରାତିକୁ ମାଉଥ୍ ଫ୍ରେସ୍ନର ଭାବେ ବ୍ୟବହାର କରିଥାନ୍ତି । କିନ୍ତୁ ଆପଣ ଜାଣିଛନ୍ତି କି? ଗୁଜୁରାତି ଖାଇ ଉଷୁମ ପାଣି ପିଇବା ଦ୍ୱାରା ଶରୀରର ଅନେକ ଗମ୍ଭୀର ସମସ୍ୟାର ସମାଧାନ ହୋଇ ଥାଏ । ଆଜି ଆମେ ଆପଣଙ୍କୁ ଜଣାଇବୁ ଉଷୁମ ପାଣି ସହ ଗୁଜୁରାତିକୁ ଖାଇବା ଦ୍ୱାରା କ’ଣ ସବୁ ଲାଭ ମିଳିଥାଏ ।
Sambad is now on WhatsApp
Join and get latest news updates delivered to you via WhatsApp
୧. ଯଦି ଆପଣ ଆପଣଙ୍କ ପେଟ କମ କରିବାକୁ ଚାହାଁନ୍ତି, ତେବେ ରାତିରେ ଶୋଇବା ପୂର୍ବରୁ ୨ଟି ଗୁଜୁରାତି ଖାଇ ଉଷୁମ ପାଣି ପିଅନ୍ତୁ । ଏଥିରେ ପୋଟାସିୟମ, ମ୍ୟାଗ୍ନେସିମ୍, ଭିଟାମିନ୍ ବି୧, ବି୬ ଏବଂ ଭିଟାମିନ୍ ସି ରହିଥାଏ । ଯାହା ଅତିରିକ୍ତ କ୍ୟାଲୋରି ହଟାଇବାରେ ସାହାଯ୍ୟ କରିଥାଏ ।
୨. ଯଦି ଆପଣଙ୍କୁ ରାତି ସମୟରେ ଠିକ୍ ଭାବରେ ନିଦ ହେଉ ନାହିଁ, ତେବେ ଉଷୁମ ପାଣି ସହ ଗୁଜୁରାତି ଖାଇବା ଆରମ୍ଭ କରନ୍ତୁ । ଗୁଜୁରାତିରେ ଥିବା ପୋଷକ ତତ୍ତ୍ୱ ଗଭୀର ନିଦ ଦେବାରେ ସାହାଯ୍ୟ କରିଥାଏ ।
୩. ରାତିରେ ଗୁଜୁରାତି ଖାଇ ଶୋଇବା ଦ୍ୱାରା ମୁହଁରେ ଥିବା ବ୍ୟାକ୍ଟେରିଆ ଶେଷ ହୋଇ ଯାଇଥାନ୍ତି । ଏପରି କରିବା ଦ୍ୱାରା କ୍ୟାଭିଟି ଭଳି ସମସ୍ୟା ଦେଖା ଯାଇ ନଥାଏ ।
୪. ଉଷୁମ ପାଣି ସହ ଗୁଜୁରାତି ଖାଇବା ଦ୍ୱାରା କିଡ୍ନି ସମସ୍ୟା ବି ଦୂର ହୋଇଥାଏ । ଏପରି କଲେ କିଡ୍ନିରେ ଥିବା ଷ୍ଟୋନ୍ ଭାଙ୍ଗିବା ସହ ୟୁରିନ୍ ଜରିଆରେ ବାହାରକୁ ଆସି ଯାଇଥାଏ । ଏହା ସହ ଛାତି ପୋଡ଼ିବା ଏବଂ ଆଣ୍ଠୁ-ଗଣ୍ଠି ବିନ୍ଧା ମଧ୍ୟ କମ ହୋଇଥାଏ ।