କର୍କଟ ରୋଗ ଭଳି ସମସ୍ୟାକୁ ଦୂର କରିଥାଏ ଏହି ପରିବା
ଆଜିକାଲିର ବ୍ୟସ୍ତବହୁଳ ଜୀବନରେ ଲୋକମାନଙ୍କ ଖାଦ୍ୟପେୟରେ ଠିକ୍ ଠିକଣା ରହୁ ନଥିବାରୁ ସେମାନେ ବିଭିନ୍ନ ରୋଗର ଶିକାର ହେଉଛିନ୍ତି । ପ୍ରତିଦିନ କିଛି ନୂଆ ନୂଆ ରୋଗର ନାଁ ସାମ୍ନାକୁ ଆସୁଥିବା ବେଳେ ତାହାର ଚିକିତ୍ସା ପାଇଁ ଗବେଷଣା ଆରମ୍ଭ କରିଛନ୍ତି ବୈଜ୍ଞାନିକ । କିନ୍ତୁ ଏ ପର୍ଯ୍ୟନ୍ତ କର୍କଟ ରୋଗ ପାଇଁ କୌଣସି ସ୍ଥାୟୀ ଚିକିତ୍ସା ବାହାର କରାଯାଇ ପାରି ନାହିଁ । ପ୍ରତି ବର୍ଷ ଅନେକ ଲୋକ କର୍କଟ ରୋଗର ଶିକାର ହୋଇ ମୃତ୍ୟୁବରଣ କରୁଥିବା ବେଳେ ଏହାର ଚିକିତ୍ସା ସମ୍ଭବ ହୋଇ ପାରି ନାହିଁ । ଆଜି ଆମେ ଆପଣଙ୍କୁ ଏକ ଏମିତି ପରିବା ବିଷୟରେ ଜଣାଇବାକୁ ଯାଉଛୁ ଯାହାକୁ ସବୁଠାରୁ ଶକ୍ତିଶାଳୀ ପରିବା ବୋଲି ଧରା ଯାଇଥାଏ । ଏହାର ସେବନ କରିବା ଦ୍ୱାରା କର୍କଟ ରୋଗ ଭଳି ସମସ୍ୟା ଦୂର ହେବା ସହ କର୍କଟ ରୋଗ ହେବାର ଆଶଙ୍କ ମଧ୍ୟ କମ ହୋଇଥାଏ । କାଙ୍କଡ଼କୁ ଆପଣମାନେ ଖାଇଥିବେ ନିଶ୍ଚୟ । କିନ୍ତୁ ସେଥିରୁ ଶରୀରକୁ ମିଳୁଥିବା ଫାଇଦା ବିଷୟରେ ବୋଧହୁଏ ଆପଣଙ୍କୁ ଜଣା ନଥିବ । ଆସନ୍ତୁ ଜାଣିବା କାଙ୍କଡ଼ ଖାଇବାରେ ଶରୀରକୁ ମିଳୁଥିବା ଫାଇଦା ବିଷୟରେ…
Sambad is now on WhatsApp
Join and get latest news updates delivered to you via WhatsApp
୧.କାଙ୍କଡ଼ରେ ଫାଇଟୋକେମିକାଲ୍ସ,ପ୍ରୋଟିନ୍,ଆଣ୍ଟିଅକ୍ସିଡ଼ାଣ୍ଟ ଏବଂ ଫାଇବର ପ୍ରଚୁର ପରିମାଣରେ ରହିଥାଏ ।
୨.ଏହି ପରିବାରେ ମାଂସ ତୁଳନାରେ ୫୦ଗୁଣ ଅଧିକ ପ୍ରୋଟିନ୍ ରହିଥାଏ । ଯାହା ଶରୀରକୁ ସୁସ୍ଥ ରଖିବା ସହ ରୋଗ ସଂକ୍ରମଣ ହେବାରୁ ରୋକିଥାଏ ।
୩.ପ୍ରତିଦିନ ଏହାକୁ ଖାଇବାରେ ସାମିଲ କଲେ ଓଜନ କମ ହେବା ହୋଇଥାଏ ।
୪.ଏଥିରେ ଥିବା ଫାଇଟୋକେମିକଲ୍ସ,ପ୍ରୋଟିନ୍,ଆଣ୍ଟିଅକ୍ସିଡ଼ାଣ୍ଟ ଏବଂ ଫାଇବର କର୍କଟ ରୋଗ ଏବଂ ହୃଦ୍ଜନିତ ରୋଗ ହେବାରୁ ରୋକିଥାଏ ।