ଅମୃତଭଣ୍ଡା ଜୁସ୍ ପିଇଲେ ଏହି ସବୁ ଫାଇଦା ମିଳେ
ନାମ ହିଁ ସୂଚାଏ ଅମୃତଭଣ୍ଡାରେ ଭରି ରହିଛି ଅନେକ ଉପକାରୀ ତତ୍ତ୍ୱ। ଏହାର ମଞ୍ଜି ଓ ପତ୍ର ମଧ୍ୟ ସ୍ୱାସ୍ଥ୍ୟ ପାଇଁ ହିତକାରକ । ଅମୃତଭଣ୍ଡାରେ ନ୍ୟୁଟ୍ରିଏଣ୍ଟସ୍, ଭିଟାମିନ୍ ଏ, ସି, କେ, ନିୟାସିନ, ମ୍ୟାଗ୍ନେସିୟମ୍, ପୋଟାସିୟମ୍, ପ୍ରୋଟିନ୍ ଓ ଫାଇବର ରହିଛି । ଯକୃତ ବା ଲିଭରକୁ ସଫା ରଖିଥାଏ ଏବଂ ହଜମ କ୍ରିୟା ମଧ୍ୟ ଭଲ ଭାବରେ ହୋଇଥାଏ । ଅମୃତଭଣ୍ଡାର ଜୁସ୍ ପିଇଲେ କ’ଣ କ’ଣ ଲାଭ ହୁଏ ଆସନ୍ତୁ ଜାଣିବା।
Sambad is now on WhatsApp
Join and get latest news updates delivered to you via WhatsApp
ଡେଙ୍ଗୁ ଜ୍ୱର ହୋଇଥିଲେ ଡାକ୍ତର ଅମୃତଭଣ୍ଡା ପତ୍ରର ଜୁସ୍ ପିଇବାକୁ ପରାମର୍ଶ ଦେଇଥାଆନ୍ତି । ଏହାର ପତ୍ରରେ ପାଁପେନ ଏନ୍ଜାଇମ୍ ଥାଏ , ଯାହାକି ବ୍ଲଡ୍ କଣିକା ବୃଦ୍ଧି କରିବାରେ ସହାୟକ କରିଥାଏ । ଏହି ଜୁସ୍ ପିଇବା ଦ୍ୱାରା ଭାଇରାଲ୍ ଇମ୍ଫେକ୍ସନ ଭଲ ହୋଇଥାଏ । ଏହା ହ୍ଵାଇଟ୍ ବ୍ଲଡ ସେଲ୍ସ ଏବଂ ପ୍ଲେଟଲେଟସ୍ କୁ ବଢେଇଥାଏ । ଦୃଷ୍ଟିଶକ୍ତି ମଧ୍ୟ ଭଲ ହୋଇଥାଏ । ସାଧାରଣ ଭାବେ ପୁରୁଷଙ୍କୁ ୮୫ ପ୍ରତିଶତ ଏବଂ ମହିଳାଙ୍କୁ ୧୦୦ ପ୍ରତିଶତ ଭିଟାମିନ୍ ଆବଶ୍ୟକ । ଏହା ପୂରଣ କରିବା ପାଇଁ ଅମୃତଭଣ୍ଡା ପ୍ରଚୁର ପରିମାଣରେ ଖାଇବା ଉଚିତ୍ ।
ଚେହେରାରେ ଥିବା ଦାଗ କୁ ଦୂର କରିବାରେ ଏହା ସାହାଯ୍ୟ କରିଥାଏ । ଅମୃତଭଣ୍ଡା ଖାଇଲେ ଗ୍ୟାସ୍ ସମସ୍ୟା ଦୂର ହୋଇଥାଏ । କୋଷ୍ଠକାଠିନ୍ୟରୁ ମଧ୍ୟ ମୁକ୍ତି ମିଳିଥାଏ । ଗଳାରେ ହେଉଥିବା ଟନସିଲ୍ ସମସ୍ୟା ମଧ୍ୟ ଦୂର ହୋଇଥାଏ । ଏଥିରେ ଥିବା ଫାଇବାର୍ ଶରୀରରେ ଥିବା ଟକ୍ସିନ୍ କୁ ବାହାରକୁ ବାହାର କରିବାରେ ସହାୟକ ହୋଇଥାଏ ।