ଶରୀରର ୫ଟି ସମସ୍ୟା ଦୂର କରେ ଧନିଆ ପତ୍ର
ଧନିଆ ପତ୍ର ଖାଦ୍ୟାର ସ୍ୱାଦ ବଢ଼ାଇବା ସହ ଶରୀର ପ୍ରତି ଅନେକ ଲାଭଦାୟକ ମଧ୍ୟ । ଏତିରେ ଥିବା ଓଷଧୀୟ ଗୁଣ ଶରୀରକୁ ରୋଗମୁକ୍ତ ରଖିଥାଏ । ଏଥିରେ ପ୍ରୋଟିନ୍, କାର୍ବୋହାଇଡ଼୍ରେଟ୍, ଫାଇବର, ଆଇରନ୍, ମିନେରାଲସ୍ ଇତ୍ୟାଦି ପୋଷକ ତତ୍ୱ ରହିଥାଏ । ଯାହା ଶରୀରକୁ ସୁସ୍ଥ ରଖିଥାଏ । ଏହାକୁ ଖାଇବା ଦ୍ୱାରା ପାଚନ ଶକ୍ତି ମଧ୍ୟ ବଢ଼ିଥାଏ । ତେବେ ଆସନ୍ତୁ ଜାଣିବା ପ୍ରତିଦିନ ଧନିଆ ପତ୍ର ଖାଇବା ଦ୍ୱାରା କ’ଣ କ’ଣ ଲାଭ ମିଳିଥାଏ….
Sambad is now on WhatsApp
Join and get latest news updates delivered to you via WhatsApp
୧. ପ୍ରତିଦିନ ଧନିଆ ଖାଇବା ଦ୍ୱାରା ଆସ୍ଥମା ରୋଗ ଦୂର ହୋଇଥାଏ । ସେଥିପାଇଁ ଧନିଆ ପତ୍ର ଏବଂ ମିଶ୍ରିକୁ ଭଲ ଭାବରେ ବାଟି ଦିଅନ୍ତୁ । ଏହା ପରେ ଆସ୍ଥମା ରୋଗୀକୁ ଗୋଟେ ଚାମଚ ଧନିଆ-ମିଶ୍ରି ବଟାକୁ ଚାଉଳ ପାଣି ସହ ପିଇବା ପାଇଁ ଦିଅନ୍ତୁ ।
୨. ଏହା ଶରୀରର ଥକାପଣ ଦୂର କରିଥାଏ । ଯଦି ଆପଣଙ୍କୁ ଥକା ଲାଗୁଛି ବା ମୁଣ୍ଡ ବୁଲାଉଛି, ତେବେ ଧନିଆ ଜୁସ୍ ସକାଳେ ଏବଂ ରାତିରେ ପିଅନ୍ତୁ । ଏହି ଜୁସ୍ ତିଆରି କରିବା ପାଇଁ ଧନିଆ ସହ କିଛି ମିଶ୍ରି ଏବଂ ପାଣି ମିଶାନ୍ତୁ ।
୩. ଧନିଆରେ ଭିଟାମିନ ଏ ର ପରିମାଣ ଅଧିକ ପରିମାଣରେ ଥାଏ । ଯାହା ଆଖି ପାଇଁ ଖୁବ୍ ଭଲ । ଯେଉଁ ପିଲାମାନଙ୍କୁ କମ ବୟସରୁ ଦେଖିବାରେ ଅସୁବିଧା ହୋଇଥାଏ,ସେମାନଙ୍କୁ ଧନିଆ ଖାଇବା ଅତ୍ୟନ୍ତ ଆବଶ୍ୟକ ।
୪. ଏହାକୁ ଖାଇବା ଦ୍ୱାରା ପେଟ ଓ ଗ୍ୟାସଜନିତ ସମସ୍ୟା ଦୂର ହୋଇଥାଏ । ଧନିଆକୁ ଲସି ସହ ମିଶାଇ ପିଇବା ଦ୍ୱାରା ପେଟ ସମସ୍ୟା ଦୂର ହୋଇଥାଏ ।