କୋଲେଷ୍ଟ୍ରଲ୍ ସ୍ତରକୁ ହ୍ରାସ କରିବା ସହ ଅନେକ ଶାରୀରିକ ସମସ୍ୟାରୁ ମୁକ୍ତି ପାଇବାକୁ ଚାହାଁନ୍ତି ତ, ଖାଆନ୍ତୁ ଏହି ଖାଦ୍ୟ
ଗହମର ଛୋଟ ଛୋଟ ଖଣ୍ଡରୁ ପ୍ରସ୍ତୁତି ହୋଇଥାଏ ଦଲିୟା । ଏଥିରେ ପ୍ରଚୁର ପରିମାଣରେ ପୋଷକ ତତ୍ତ୍ୱ ରହିଛି । ଏହା ଆମ ଶରୀରରେ ଥିବା କୋଲେଷ୍ଟ୍ରଲ୍ ସ୍ତରକୁ ହ୍ରାସ କରିବାରେ ସହାୟକ ହୋଇଥାଏ । ତେବେ ଏହାକୁ ନିୟମିତ ଭାବେ ଖାଇଲେ ଆପଣଙ୍କର ବଦହଜମି ସମସ୍ୟା ଦୂରୀଭୂତ ହେବ । ଏହାଛଡ଼ା ପେଟଜନିତ ବିଭିନ୍ନ ରୋଗରୁ ଆଶଙ୍କା ମଧ୍ୟ କମିଯାଏ ।
Sambad is now on WhatsApp
Join and get latest news updates delivered to you via WhatsApp
ନିକଟରେ ଆମେରିକାରେ କରାଯାଇଥିବା ଏକ ଗବେଷଣାରୁ ଜଣାଯାଇଛିଯେ ଦଲିଆରେ ଆଣ୍ଟି ଆକ୍ସିଡେଣ୍ଟ ଥାଏ, ଯାହା ଶରୀରରେ ଥିବା ବିଷାକ୍ତ ଦ୍ରବ୍ୟକୁ ନିଷ୍କାସିତ କରିଥାଏ । ଏହା ଫଳରେ ଶରୀରରେ ସ୍ଫୁର୍ତ୍ତି ଭରିଯାଏ । ଖାଲି ସେତିକି ନୁହେଁ, ଶରୀରରେ ଅନାବଶ୍ୟକ ତତ୍ତ୍ୱ ମଧ୍ୟ କମ୍ ହୋଇଯାଏ । ହାଇ ଆଣ୍ଟି ଆକ୍ସିଡେଣ୍ଟ ହେବା ହେତୁ ମେଟାବଲିକ୍ ସିଷ୍ଟମ୍ ମଧ୍ୟ ଠିକ୍ ରହିଥାଏ ।
ଏଥିରେ ଅଧିକ ମାତ୍ରାରେ ଫାଇବର୍ ଥିବା ହେତୁ ବଦହଜମି, କୋଷ୍ଠକାଠିନ୍ୟ ଓ ଏସିଡିଟିର ସମସ୍ୟା ମଧ୍ୟ ସୃଷ୍ଟି ହୁଏ ନାହିଁ ବୋଲି ଉକ୍ତ ଗବେଷଣାରେ କୁହାଯାଇଛି। ସବୁଠୁଁ ବଡ଼ କଥା ହେଲାଯେ ଦଲିଆ ସ୍ୱାସ୍ଥ୍ୟ ପାଇଁ ଲାଭଦାୟକ ଓ ଏହାର କୌଣସି କୁପ୍ରଭାବ ନାହିଁ ।