ଏବେ ବଜାରରେ ପ୍ରଚୁର ଆମ୍ବ ମିଳୁଛି। ଆମେ ସମସ୍ତେ ଉଣା ଅଧିକେ ଆମ୍ବ ବି ଖାଉଛୁ। କାରଣ ଆମ୍ବ ଏକ ପୁଷ୍ଟିକର ଫଳ।ଏଥିରେ ଭିଟାମିନ୍ ଏ,କପର୍,ଆଇରନ୍ ଓ ପୋଟାସିୟମ୍ ଭଳି ପୋଷକ ତତ୍ତ୍ୱ ରହିଛି।କିନ୍ତୁ ଆପଣ କ’ଣ ଜାଣନ୍ତି କି ଆମ୍ବ ଖାଇଲେ ଏସବୁ କ୍ଷତିର ସମ୍ମୁଖୀନ ହୋଇପାରନ୍ତି !
ତ୍ୱଚା ସମସ୍ୟା:-ଆମ୍ବ ଖାଇବା ସମୟରେ ମୁହଁରୁ ଏକ ତରଳ ପଦାର୍ଥ ବାହାରିଥାଏ। ଯଦି ଆପଣ ତାକୁ ଠିକ୍ ଭାବେ ସଫା ନ କରିବେ,ତେବେ ଆପଣଙ୍କ ତ୍ୱଚା କୁଣ୍ଡାଇ ହୋଇପାରେ।ଖାଲି ସେତିକି ନୁହେଁ ଏହା ଫଳରେ ଗଳା କୁଣ୍ଡେଇ ହୋଇପାରେ।
ହଜମ ଜନିତ ସମସ୍ୟା:- ଯଦି ଆପଣଙ୍କର ହଜମ ଜନିତ ସମସ୍ୟା ଅଛି, ତେବେ ଆମ୍ବ ଖାଇବା ଅନୁଚିତ। ତା’ଛଡ଼ା ଅଧିକ ମାତ୍ରାରେ ଆମ୍ବ ଖାଇଲେ ତରଳ ଝାଡ଼ା ଓ ପେଟ କାଟିବା ଭଳି ସମସ୍ୟା ବି ଦେଖା ଦେଇଥାଏ।
ମୁଖର ଉଜ୍ଜ୍ୱଳତା ନଷ୍ଟ କରେ:- ଆମ୍ବ ଏକ ସ୍ୱାଦିଷ୍ଟ ଫଳ ହୋଇଥିଲେ ବି ଏହା ଏକ ଗରମ ଫଳ ଭାବେ ମଧ୍ୟ ଜଣାଶୁଣା। ଅଧିକ ମାତ୍ରାରେ ଆମ୍ବ ଖାଇଲେ ଆପଣଙ୍କ ମୁଖର ଉଜ୍ୱଳତା ନଷ୍ଟହେବାର ଆଶଙ୍କା ରହିଛି।
Sambad is now on WhatsApp
Join and get latest news updates delivered to you via WhatsApp
ଯେଉଁମାନଙ୍କର ଆଣ୍ଠୁଗଣ୍ଠି ଯନ୍ତ୍ରଣା ହେଉଛି,ସେମାନେ ଆମ୍ବ ନ ଖାଇବା ଭଲ। ସଇନସ୍ ରୋଗୀ ଓ ମଧୁମେହ ରୋଗୀମାନେ ମଧ୍ୟ ଆମ୍ବଠାରୁ ଦୂରେଇ ରହିବା ଭଲ। ନିଜର ଓଜନ କମ୍ କରିବାକୁ ଚାହୁଁଥିବା ଲୋକ ବି ଆମ୍ବ ଖାଇବା ଅନୁଚିତ।