ଶୋଇବା ସମୟରେ ଘର ଭିତରେ ଖୋଲାରେ ରଖାଯାଇଥିବା ପାଣି ପିଅନ୍ତୁ ନାହିଁ !
ସାଧାରଣତଃ ଲୋକମାନେ ଶୋଇବା ସମୟରେ ପାଣି ଗ୍ଲାସ ରଖି ଶୁଅନ୍ତି । ରାତିରେ ଶୋଷ ଲାଗିଲେ ଯେବେ ଉଠନ୍ତି, ସେହି ପାଣି ପିଅନ୍ତି । ଆମେ ଜାଣୁ, ପାଣିକୁ ଅମୃତ କୁହାଯାଏ । ଯେତେ ପାଣି ପିଇଲେ ଦେହ ପାଇଁ ଭଲ ହୋଇଥାଏ । କିନ୍ତୁ ଆମକୁ ପାଣି ରଖୁଥବା ପରିବେଶ ଉପରେ ମଧ୍ୟ ଧ୍ୟାନ ରଖିବା ଦରକାର ।
Sambad is now on WhatsApp
Join and get latest news updates delivered to you via WhatsApp
ଏକଥା ଆପଣ ଜାଣନ୍ତି କି, ରାତିରେ ଶୋଇବା ଘରେ ରଖିଥିବା ପାଣି ସକାଳୁ ଉଠିି ପିଇବା ଦ୍ୱାରା ଶରୀର ପାଇଁ ଭଲ ହୋଇ ନ ଥାଏ । ଏହି ପାଣି ଶରୀର ପାଇଁ ବିଷ ସଦୃଶ୍ୟ ହୋଇଥାଏ । ଯଦି ଆପଣ ଏପରି କରୁଛନ୍ତି, ତା’ହେଲେ ଏ ଅଭ୍ୟାସ ଛାଡ଼ନ୍ତୁ । ପିଲାଦିନରୁ ଆମେ ପଢି ଆସୁଛେ ଯେ ଶୋଇବା ସମୟରେ ଆମ ଶରୀରରୁ ପ୍ରଚୁର ମାତ୍ରାରେ କାର୍ବନ-ଡାଇଅକ୍ସାଇଡ୍ ଉତ୍ପନ୍ନ ହୋଇଥାଏ । ତେଣୁ ଆମେ ଶୋଇଥିବା କୋଠରିରେ ମଧ୍ୟ ବହୁତ କାର୍ବନ ଡାଇଅକ୍ସାଇଡ୍ ଉତ୍ପନ୍ନ ହୋଇଥାଏ ଏବଂ ତାହା ରଖାଯାଇଥିବା ଗ୍ଲାସ ପାଣିରେ ମିଶିଯାଇଥାଏ । ସେଥିପାଇଁ ଆମକୁ ଧ୍ୟାନ ରଖିବା ଦରକାର କି ଯେତେବେଳେ ଆମକୁ ଶୋଷ ଲାଗିବ, ଆମେ ପାଣି ଭରିକି ପିଇବା ଉଚିତ୍ । ଶୋଇବା ସମୟରେ ପାଖରେ ରଖାଯାଇଥିବା ପାଣିକୁ ପିଇବା ଉଚିତ୍ ନୁହେଁ ।