ଆମେ ଦୈନନ୍ଦିନ ଜୀବନରେ କୌଣସି ନା କୌଣସି ଉପାୟରେ ଅଦା ଖାଇଥାଉ। । କେହି ମସଲାରେ ଏହାକୁ ବାଟିଥାନ୍ତି ତ ପୁଣି କିଏ ଚା’ରେ ଏହାକୁ ପକାଇଥାନ୍ତି। ଏହାର ସେବନରେ କିଭଳି ଆମେ କେତେକ ଶାରୀରିକ ସମସ୍ୟାରୁ ରକ୍ଷା ପାଇବା ଆସନ୍ତୁ ତାହା ଜାଣିବା ….
Sambad is now on WhatsApp
Join and get latest news updates delivered to you via WhatsApp
ନିୟମିତଭାବେ ଖାଦ୍ୟ ପରେ ଅଦା ଚୋବାଇ ଖାଇଲେ ବଦହଜମୀର ଶିକାର ହେବେ ନାହିଁ । ଠିକ୍ ସେହିପରି ଅଦା ମସ୍ତିଷ୍କକୁ ତୀକ୍ଷ୍ଣ କରିବାରେ ସହାୟକ ହୋଇଥାଏ । ଯଦି ନାକ ବନ୍ଦ ହୋଇଯାଇଛି ବା ଛାତିରେ କଫ ଭର୍ତ୍ତି ଅଛି ବା ଯନ୍ତ୍ରଣା ଅନୁଭୂତ ହେଉଛି, ତେବେ ଅଦା ମିଶା ଚାହା ପିଇଲେ ସେଥିରୁ ମୁକ୍ତି ମିଳିଥାଏ ବୋଲି ଗବେଷଣାରୁ ଜଣାଯାଇଛି । ଠିକ୍ ସେହିପରି ଥଣ୍ଡା ହୋଇଥିଲେ ବି ଏହା ଆପଣଙ୍କୁ ଆରାମ ଦେଇଥାଏ ।
ଶରୀରକୁ ବିଭିନ୍ନ ପ୍ରକାରର ସଂକ୍ରମଣରୁ ମଧ୍ୟ ରକ୍ଷା କରିଥାଏ ଅଦା । ଠିକ୍ ସେହିପରି ଏହା ଶ୍ୱାସ ପ୍ରକ୍ରିୟାରେ କିଛି ଅସୁବିଧା ଥିଲେ, ତାକୁ ଦୂର କରିଥାଏ ଅଦା । ଖାଲି ସେତିକି ନୁହେଁ ଅଦା ରକ୍ତ ସୁଗାର ସ୍ତର ହ୍ରାସ କରିଥାଏ ଓ ଆପଣଙ୍କୁ ହୃଦ୍ରୋଗରୁ ରକ୍ଷା କରିପାରେ ବୋଲି ମଧ୍ୟ କୁହାଯାଏ । ଅଦା ଗ୍ୟାଷ୍ଟ୍ରାଇଟ୍ ସମସ୍ୟାରୁ ମଧ୍ୟ ଦୂରୀଭୂତ କରିଥାଏ ।
ବିମାନ ଯାତ୍ରା ବା ଲମ୍ବା ବସ ଯାତ୍ରା ଯୋଗୁଁ ଯଦି ଆପଣ ଦୁର୍ବଳ ଅନୁଭବ କରୁଛନ୍ତି, ତେବେ ଅଦା ଖଣ୍ଡେ ଚୋବାଇ ଖାଇଲେ, ତାହା ତୁରନ୍ତ ଦୂରୀଭୂତ ହୋଇଥାଏ । ଠିକ୍ ସେହପରିି ଗର୍ଭବତୀ ମହିଳାମାନେ ଯଦି ସେଭଳି ଅନୁଭବ କରନ୍ତି, ତେବେ ସେମାନଙ୍କ ପାଇଁ ବି ଏହା ମହୌଷଧି ସଦୃଶ। ମାତ୍ର ୧ ରୁ ୨ ଗ୍ରାମ୍ ଅଦା ସେବନ ଦ୍ୱାରା ଏହା ସମ୍ଭବ ହେବ ବୋଲି ଜଣାଯାଇଛି ।