ପାଚିଲା ଅମୃତଭଣ୍ଡାଠାରୁ କଞ୍ଚା ଅମୃତଭଣ୍ଡା ଖାଇଲେ ବେଶୀ ଭଲ ,ଜାଣନ୍ତୁ କିପରି
ପାଚିଲା ଅମୃତଭଣ୍ଡା ତ ଶରୀର ପାଇଁ ଖୁବ୍ ଭଲ ,ଏକଥା ସମସ୍ତଙ୍କୁ ଜଣା।ହେଲେ ଆପଣ ଜାଣନ୍ତି କି କଞ୍ଚା ଅମୃତଭଣ୍ଡା ଖାଇବା ବି ସ୍ୱାସ୍ଥ୍ୟପ୍ରଦ। କଞ୍ଚା ଅମୃତଭଣ୍ଡାରେ ପ୍ରଚୁର ମାତ୍ରାରେ ଭିଟାମିନ୍ ରହିଛି। ଏଥିରେ ଭିଟାମିନ୍ ଏ, ସି,ମ୍ୟାଗ୍ନେସିୟମ୍ ଓ ପୋଟାସିଅମ୍ ରହିଛି। ଏହା ମଧୁମେହ ରୋଗୀମାନଙ୍କ ପାଇଁ ଖୁବ୍ ଉପକାରୀ।
ଆସନ୍ତୁ ଜାଣିବା କଞ୍ଚା ଅମୃତଭଣ୍ଡା ଖାଇଲେ,ଅନ୍ୟ କ’ଣ ସବୁ ଉପକାର ମିଳିଥାଏ।
Sambad is now on WhatsApp
Join and get latest news updates delivered to you via WhatsApp
୧-ଯଦି ଶରୀରରେ ଭିଟାମିନ୍ର ମାତ୍ରା କମ୍ ଥାଏ ,ତେବେ କଞ୍ଚା ଅମୃତଭଣ୍ଡା ସେବନ କଲେ , ସେହି ସମସ୍ୟା ଦୂରୀଭୂତ ହୋଇଥାଏ।
୨-କଞ୍ଚା ଅମୃତଭଣ୍ଡାର ଚଟଣି ବା ତରକାରୀ ଖାଇଲେ ମଧୁମେହ ରୋଗୀମାନଙ୍କ ପାଇଁ ତାହା ଔଷଧ ଭଳି କାମ କରିଥାଏ। ଏହାକୁ ଖାଇଲେ ସୁଗାରର ମାତ୍ରା କମ୍ ହୋଇଥାଏ ଓ ଇନ୍ସୁଲିନର ମାତ୍ରା ବଢ଼ିଥାଏ। ଏହା ଫଳରେ ମଧୁମେହ ନିୟନ୍ତ୍ରଣରେ ରହିଥାଏ।
୩-ଯଦି ଆପଣ ମୋଟାପାର ଶିକାର ହେଉଛନ୍ତି,ତେବେ କଞ୍ଚା ଅମୃତଭଣ୍ଡା ଖାଆନ୍ତୁ। ଏଥିରେ ଏନ୍ଜାଇମ୍ ଶୀଘ୍ର ଫ୍ୟାଟ୍ ବର୍ଣ୍ଣ କରିବାରେ ସହାୟକ ହୋଇଥାଏ। ଏହା ଛଡ଼ା ଶରୀରରୁ ଅତିରିକ୍ତ ଫ୍ୟାଟ୍ ମଧ୍ୟ ବାହାର କରିବାରେ ଏହା ସହାୟକ ହୋଇଥାଏ।
୪- କଞ୍ଚା ଅମୃତଭଣ୍ଡା ଖାଇଲେ ଶରୀରର ରୋଗ ପ୍ରତିରୋଧକ କ୍ଷମତା ବୃଦ୍ଧି ପାଇଥାଏ। ତା’ ଛଡ଼ା ଏଥିରେ ଥିବା ଭିଟାମିନ୍ ସି ମାନସିକ ଉତ୍ତେଜନା ବି ଦୂର କରିଥାଏ।
୫-କଞ୍ଚା ଅମୃତଭଣ୍ଡା ଖାଇଲେ ପାଚନ କ୍ରିୟା ସୁସ୍ଥ ରହିଥାଏ।
୬-ସ୍ତନପାନ କରାଉଥିବା ମହିଳାମାନଙ୍କ ପାଇଁ କଞ୍ଚା ଅମୃତଭଣ୍ଡା ଖୁବ୍ ଲାଭପ୍ରଦ।
୭-ଏହା ମୂତ୍ର ସଂକ୍ରମଣ,କର୍କଟ ଭଳି ରୋଗରୁ ମଧ୍ୟ ଏହା ଶରୀରକୁ ରକ୍ଷା କରିଥାଏ।