ପିଅନ୍ତୁ ଲାଉର ଜୁସ୍, ଜିମ୍ ନ ଯାଇ କରନ୍ତୁ ନିଜର ଓଜନ କମ୍
ଲାଉର ନାଁ ଶୁଣିଲେ କିଛି ଲୋକ ନାକ ଉପରକୁ କରିବା ସହ ଖାଇବାକୁ ଇଚ୍ଛା କରନ୍ତି ନାହିଁ । କିଛି ଲୋକ ଏଥିରୁ ମିଳୁଥିବା ଫାଇଦା ଜାଣି ନଥିବାରୁ ଏହାକୁ ଖାଇବା ବିଷୟରେ ଭାବନ୍ତି ନାହିଁ । ହେଲେ, ଏଥିରେ ଥିବା ପୋଷକ ତତ୍ତ୍ୱ ଏବଂ ଫାଇବର ଶରୀରକୁ ସୁସ୍ଥ ରଖିଥାଏ । ଅଧିକ ଓଜନ ବିଶିଷ୍ଟ ହୋଇଥିବା ଲୋକମାନେ ଏହାର ଜୁସ୍ ତିଆରି କରି ପିଇବା ଦ୍ୱାରା ଶରୀରର ଓଜନ କମ ହୋଇଥାଏ । ଆଜି ଆମେ ଲାଉ ଜୁସ୍ରୁ ଶରୀରକୁ ମିଳୁଥିବା ଫାଇଦା ବିଷୟରେ ଜଣାଇବାକୁ ଯାଉଛୁ…
Sambad is now on WhatsApp
Join and get latest news updates delivered to you via WhatsApp
୧. ଲାଉ ଖାଇବା ଦ୍ୱାରା ପାଚକ ତନ୍ତ୍ର ମଜବୁତ୍ ହୋଇଥାଏ । ଯେଉଁ ଲୋକମାନଙ୍କର ଗ୍ୟାସ୍ ବା କୋଷ୍ଠକାଠିନ୍ୟ ସମସ୍ୟା ରହିଛି ସେମାନଙ୍କ ପାଇଁ ଲାଉ ଲାଭଦାୟକ ସାବ୍ୟସ୍ତ ହୋଇଥାଏ । ସପ୍ତାହକୁ ୩ଥର ଲାଉର ଜୁସ୍ ପିଇବା ଦ୍ୱାରା ପେଟ ଜନିତ ସମସ୍ୟା ଦୂର ହୋଇଥାଏ ।
୨. ଯଦି ଆପଣ ଆପଣଙ୍କ ଓଜନ କମ କରିବାକୁ ଚାହୁଁଛନ୍ତି । ତେବେ ପ୍ରତିଦିନ ସକାଳୁ ଖାଲି ପେଟରେ ଲାଉର ଜୁସ୍ ପିଅନ୍ତୁ ।
୩. ଉଚ୍ଚ ରକ୍ତଚାପ ଥିବା ଲୋକମାନେ ଏହାକୁ ସେବନ କରି ପାରିବେ । ଏଥିରେ ଥିବା ପୋଟାସିୟମ ଉଚ୍ଚ ରକ୍ତଚାପକୁ ନିୟନ୍ତ୍ରଣରେ ରଖିବାରେ ସାହାଯ୍ୟ କରିଥାଏ ।
୪. ମସଲା ଜାତୀୟ ଖାଦ୍ୟ ଏବଂ ଅତ୍ୟଧିକ ମଦ ପିଇବା ଦ୍ୱାରା ଲିଭରରେ କୁପ୍ରଭାବ ପଡ଼ିଥାଏ । ଏହାକୁ ଦୂର କରିବା ପାଇଁ ଲାଉ ଏବଂ ଅଦାର ଜୁସ୍ ତିଆରି କରି ପିଅନ୍ତୁ ।