ନୂଆଦିଲ୍ଲୀ : ଚଲାବୁଲା ,ବସାଉଠା ଆଦି ଆମ ଦୈନନ୍ଦିନ ଜୀବନ ସାଧାରଣ ଅଭ୍ୟାସ ହୋଇଥିଲେ ମଧ୍ୟ ଏଥିରେ କିଛିଟା ଭୁଲ ଆମ ଶରୀରରେ ଅନେକ ରୋଗର କାରଣ ପାଲଟିଥାଏ । ଏହି କାରଣ ବଶତଃ ଅଧିକ ସମୟ ପର୍ଯ୍ୟନ୍ତ କୌଣସି ଏକ ଭଙ୍ଗୀରେ ବସିବା ଦ୍ୱାରା ଅଣ୍ଟା, ଗୋଡ଼ , ପିଠି ଆଦିରେ ଯନ୍ତ୍ରଣା ଅନୁଭବ ହୋଇଥାଏ । ଡ଼ାକ୍ତରୀ ଅନୁସନ୍ଧାନରୁ ପ୍ରମାଣିତ ହୋଇଛି ଭୁଲ ଭଙ୍ଗୀରେ ବସିବା ଅନେକ ରୋଗର କାରଣ ହୋଇଥାଏ । ତେବେ ଆପଣ ଜାଣିଛନ୍ତି କି ଏକ ସାଧାରଣ ବସିବା ଭଙ୍ଗୀ ଗୋଡ଼ ଉପରେ ଗୋଡ଼ ପକାଇବା ଶରୀର ପ୍ରତି ହାନିକାରକ ହୋଇଥାଏ । ଆସନ୍ତୁ ଜାଣିବା ଗୋଡ଼ ଉପରେ ଗୋଡ଼ ପକାଇ ବସିଲେ କ’ଣ ହୋଇଥାଏ ।
Sambad is now on WhatsApp
Join and get latest news updates delivered to you via WhatsApp
ସାଧାରଣତଃ ଅନେକ ବ୍ୟକ୍ତି ଗୋଡ଼ ଉପରେ ଗୋଡ଼ ପକାଇ ବସିବା ପାଇଁ ଭଲ ପାଇଥାନ୍ତି। ଏହାକୁ ରାଜକୀୟ ଭଙ୍ଗୀ ବୋଲି ମଧ୍ୟ କୁହାଯାଇଥାଏ । ତେବେ ଏହି ରାଜକୀୟ ଭଙ୍ଗୀ ଅନେକ ରୋଗର କାରଣ ହୋଇଥାଏ । ଏହି ଭଙ୍ଗୀ ଦ୍ୱାରା ରକ୍ତଚାପ ବୃଦ୍ଧି ହେବାର ସମ୍ଭାବନା ଅଧିକ ରହିଥାଏ । ଏଣୁ ସବୁବେଳେ ୧୫-୨୦ ମିନିଟ ମଧ୍ୟରେ ନିଜର ବସିବା ଭଙ୍ଗୀ ପରିବର୍ତ୍ତନ କରିବା ଦରକାର। ତେଣୁ ଏହା ଉପରେ ଧ୍ୟାନ ଦିଅନ୍ତୁ ।
ଗୋଡ଼ ଉପରେ ଗୋଡ଼ ପକାଇ ବସିବା ଦ୍ୱାରା ପାଚନ ପ୍ରକ୍ରିୟାରେ ଅନେକ ପ୍ରକାରର ଅସୁବିଧା ଉପୁଜିଥାଏ । ଏପରି ବସିବା ଦ୍ୱାରା ଅନେକ ଶିରା ପ୍ରଶିରାରେ ରକ୍ତର ପ୍ରଭାବ ହେବା ଭଳି ସମସ୍ୟା ଉପୁଜିଥାଏ । ଏଥିପାଇଁ ଅଧିକ ସମୟ ଧରି ଏପରି ଭଙ୍ଗୀରେ ବସନ୍ତୁ ନାହିଁ ।