ଗର୍ଭାବସ୍ଥାରେ ମହିଳାମାନେ ନିଜ ଖାଇବା ପିଇବାରେ ଅଧିକ ଧ୍ୟାନ ଦେଇଥାନ୍ତି । ସେ ସମୟରେ ସେମାନେ ନିଜ ସହ ନିଜ ପିଲାମାନଙ୍କ ବିଷୟରେ ମଧ୍ୟ ଭାବି ଥାଆନ୍ତି । ଯେଉଁ ଖାଦ୍ୟ ଖାଇବା ଦ୍ୱାରା ତା’ଙ୍କ ଶିଶୁ ସୁସ୍ଥ ରହିବ, ସେ ସବୁ ଖାଦ୍ୟ ମହିଳାମାନେ ଡ଼ାକ୍ତରଙ୍କୁ ପରାମର୍ଶ କରି ଖାଇଥାନ୍ତି । ତେବେ ଗର୍ଭାବସ୍ଥାରେ ସବୁଠାରୁ ଅଧିକ ଲାଭଦାୟକ ହେଉଛି ଡ଼ାଳିମ୍ବ ରସ । ଯାହାକୁ ଖାଇବା ଦ୍ୱାରା ମା’ ଏବଂ ଶିଶୁ ଉଭୟ ସୁସ୍ଥ ରହି ଥାଆନ୍ତି । ଏଥିରେ ଭିଟାମିନ୍-ସି ର ପରିମାଣ ଅଧିକ ଥିବାରୁ ଶରୀରରେ ଥିବା ଆଇରନର ଅଭାବକୁ ଏହା ଦୂର କରିଥାଏ । ଆସନ୍ତୁ ଜାଣିବା, ଗର୍ଭାବସ୍ଥାରେ ଡ଼ାଳିମ୍ବ ଖାଇବା ଦ୍ୱାରା ଶରୀରକୁ କ’ଣ କ’ଣ ସବୁ ଫାଇଦା ମିଳିଥାଏ…
୧. ଗର୍ଭାବସ୍ଥା ସମୟରେ ଖାଦ୍ୟ ଠିକ୍ ଭାବରେ ହଜମ ନ ହେବା ଏକ ସାଧାରଣ ସମସ୍ୟା । ଖାଦ୍ୟ ଠିକ୍ ଭାବରେ ହଜମ ନ ହେବା ଦ୍ୱାରା ମହିଳାମାନଙ୍କର ବାନ୍ତି ହେବା ସହ ଶରୀର ଅସୁସ୍ଥ ହୋଇ ଯାଇଥାଏ । ସେଥିପାଇଁ ଗର୍ଭାବସ୍ଥାରେ ଡ଼ାଳିମ୍ବ ରସ ପିଇବା ଅତ୍ୟନ୍ତ ଲାଭଦାୟକ ସାବ୍ୟସ୍ତ ହୋଇଥାଏ । ପ୍ରତିଦିନ ଖାଇବା ପରେ ଡ଼ାଳିମ୍ବ ରସ ପିଇବା ଦ୍ୱାରା ଖାଦ୍ୟ ଠିକ୍ ଭାବରେ ହଜମ ହୋଇଥାଏ ।
୨. ଗର୍ଭବତୀ ମହିଳାଙ୍କୁ ଅଧିକ ସମୟ ବିଶ୍ରାମ କରିବା ପାଇଁ ଡ଼ାକ୍ତର ପରାମର୍ଶ ଦେଇଥିବାରୁ ସେ ସମୟରେ ଶାରୀରିକ ବ୍ୟାୟାମ ଏତେ ହୋଇ ପାରେ ନାହିଁ । ଯାହା ଫଳରେ ଗ୍ୟାସ୍ ସମସ୍ୟା ଦେଖା ଯାଇଥାଏ । ଏଭଳି ସମସ୍ୟା ହେଉଥିଲେ ଗର୍ଭାବସ୍ଥାରେ ପ୍ରତିଦିନ ଡ଼ାଳିମ୍ବ ଖାଆନ୍ତୁ । ଏହି ସମସ୍ୟା ଦୂରେଇ ଯିବ ।
Sambad is now on WhatsApp
Join and get latest news updates delivered to you via WhatsApp
୩. ଡ଼ାଳିମ୍ବରେ ଅଧିକ ପରିମାଣରେ ପୋଟାସିୟମ ଥିବାରୁ ଏହାକୁ ଖାଇବା ଦ୍ୱାରା ଶରୀରର ମାଂସପେଶୀରେ ହେଉଥିବା କଷ୍ଟ ଦୂର ହୋଇଥାଏ । ସେଥିପାଇଁ ଗର୍ଭବତୀ ମହିଳା ଏହାକୁ ଖାଇବା ଦ୍ୱାରା ଗର୍ଭାବସ୍ଥାରେ ହେଉଥିବା କଷ୍ଟ ଦୂର ହୋଇଥାଏ ।
୪. ଶରୀରରେ ରକ୍ତର ପରିମାଣ ବୃଦ୍ଧି କରିବା ପାଇଁ ଡ଼ାକ୍ତର ଡ଼ାଳିମ୍ବ ଖାଇବା ପାଇଁ ପରାମର୍ଶ ଦେଇଥାନ୍ତି । ଗର୍ଭାବସ୍ଥାରେ ଡ଼ାଳିମ୍ବ କାଇବା ଦ୍ୱାରା ଶରୀରରେ ରକ୍ତର ପରିମାଣ ଠିକ୍ ରହିବା ସହ ଶିଶୁର ବିକାଶ ମଧ୍ୟ ହୋଇଥାଏ ।
୫. ଯେଉଁ ମହିଳାଙ୍କର ଉଚ୍ଚ ରକ୍ତଚାପ ରହିଥାଏ, ସେହି ମହିଳାମାନଙ୍କୁ ଡ଼ାକ୍ତରଙ୍କ ପରାମର୍ଶ ନେଇ ଡ଼ାଳିମ୍ବ ଖାଇବା ଦରକାର ।