ଶାରୀରିକ ସମସ୍ୟା ଦୂର କରିବାକୁ ଚାହାନ୍ତି କି? ଡାଏଟ୍ରେ ସାମିଲ କରନ୍ତୁ ଏହି ୫ ପ୍ରକାରର ମଞ୍ଜି
ପ୍ରତି ମଣିଷ ସବୁ ସମୟରେ ସୁସ୍ଥ ରହିବା ପାଇଁ ଚାହିଁଥାନ୍ତି । ସେଥିପାଇଁ ଲୋକମାନେ ପ୍ରାୟ ପ୍ରତିଦିନ ଫଳ ଏବଂ ସବୁଜ ପନିବରିବା ଖାଇଥାନ୍ତି । କିନ୍ତୁ ଫଳ ଖାଇବା ପୂର୍ବରୁ ସେଥିରେ ଥିବା ମଞ୍ଜିଗୁଡ଼ିକୁ ସେମାନେ ବାହାର କରି ଫିଙ୍ଗି ଦେଇଥାନ୍ତି । ମାତ୍ର ଶରୀର ପାଇଁ ଅତ୍ୟନ୍ତ ଲାଭଦାୟକ ହେଉଛି ମଞ୍ଜି । ଆଜି ଆମେ ଆପଣଙ୍କୁ ଜଣାଇବୁ ଅଦରାକରୀ ବୋଲି ଭାବି ଫିଙ୍ଗି ଦେଉଥିବା ମଞ୍ଜିଗୁଡ଼ିକ ବାସ୍ତବରେ ଶରୀର ପାଇଁ କେତେ ଲାଭଦାୟକ ।
Sambad is now on WhatsApp
Join and get latest news updates delivered to you via WhatsApp
୧.ଭିଟାମିନ୍ ବି ଏବଂ ଫଲିକ୍ ଏସିଡ଼ରେ ଭରପୂର ଥିବା କଖାରୁ ମଞ୍ଜିକୁ ସେବନ କରିବା ଦ୍ୱାରା ମସ୍ତିଷ୍କକୁ ଶାନ୍ତି ମିଳିଥାଏ । ଏହା ସହ ମଧୁମେହ ରୋଗରେ ପୀଡ଼ିତ ଥିବା ଲୋକମାନେ ଏହାକୁ ଖାଇବା ଦ୍ୱାରା ସେମାନଙ୍କୁ ଲାଭ ମିଳିଥାଏ । ଏହାକୁ ପୋଡ଼ି ଖିଆଯାଇପାରିବ।
୨.ପଣସକୁ କଞ୍ଚାରେ ତରକାରି କିମ୍ବା ପାଚିଲାରେ ସିଧା ଖିଆଯାଇଥାଏ । କିନ୍ତୁ ଅନେକ ପଣସ ମଞ୍ଜିକୁ ଫିଙ୍ଗି ଦେଇଥାନ୍ତି । କିନ୍ତୁ ଏହା ଶରୀର ପାଇଁ ଅତ୍ୟନ୍ତ ଲାଭଦାୟକ । ଯଦି ଆପଣଙ୍କୁ ଭୋକ ହେଉ ନାହିଁ ତେବେ ପଣସ ମଞ୍ଜିକୁ ରାତିରେ ପାଣିରେ ଭିଜାଇ ସକାଳେ ଏହାକୁ ଖାଆନ୍ତୁ । ଏପରି କରିବା ଦ୍ୱାରା ଭୋକ ଲାଗିବା ଆରମ୍ଭ ହୋଇଥାଏ ।
୩.ଓଜନ କମାଇବା ପାଇଁ ତରଭୁଜର ମଞ୍ଜି ଲାଭଦାୟକ । ତରଭୁଜ ଖାଇ ସାରିବା ପରେ ତା’ର ମଞ୍ଜିକୁ କ୍ଷୀର ବା ପାଣି ସହ ଖାଆନ୍ତୁ । ଏହା ଛଡ଼ା ଏହାକୁ ଆପଣ ଭାଜି କରି ମଧ୍ୟ ଖାଇ ପାରିବେ ।
୪.ଅଙ୍ଗୁର ଯେମିତି ଶରୀର ପାଇଁ ଲାଭଦାୟକ । ସେଭଳି ଅଙ୍ଗୁରର ମଞ୍ଜି ମଧ୍ୟ ଶରୀର ପାଇଁ ଲାଭଦାୟକ । ଏଥିରେ ଭିଟାମିନ ଇ ଏବଂ ଆଣ୍ଟିଅକ୍ସିଡ଼ାଣ୍ଟ ଅଧିକ ପରିମାଣରେ ଥାଏ । ଏହାକୁ ଖାଇବା ଦ୍ୱାରା ମଧୁମେହ ରୋଗ ହେବାର ଆଶଙ୍କା କମ ହୋଇଥାଏ ।
୫.ସୂର୍ଯ୍ୟମୁଖୀର ମଞ୍ଜି ମଧ୍ୟ ଶରୀରରକୁ ଅନେକ ରୋଗରୁ ଦୂରରେ ରଖିଥାଏ । ମ୍ୟାଗ୍ନେସିୟମ,କପର ଏବଂ ଭିଟାମିନ ଇରେ ଭରପୂର ଥିବା ଏହି ମଞ୍ଜିକୁ ଖାଇବା ଦ୍ୱାରା ହୃଦ୍ଜନିତ ସମସ୍ୟା ଦୂର ହେବା ସହ ଓଜନ ମଧ୍ୟ ନିୟନ୍ତ୍ରଣ ହୋଇ ରହିଥାଏ ।