ବିଳମ୍ବିତ ରାତି ପର୍ଯ୍ୟନ୍ତ ନିଦ ହେଉନାହିଁ କି? ଆପଣାନ୍ତୁ ଏହି ସବୁ ଉପାୟ
ନିଦ୍ରାହୀନତା ଆଜିକାଲି ଏକ ସାଧାରଣ ସମସ୍ୟା। ବିଶେଷ କରି ଯୁବପିଢ଼ିଙ୍କ ଭିତରେ ପ୍ରବଳ ମାତ୍ରାରେ ଏହି ସମସ୍ୟା ଦେଖିବାକୁ ମିଳୁଛି। ବିଳମ୍ବିତ ରାତି ପର୍ଯ୍ୟନ୍ତ ନିଦ ନ ଆସିବା ପ୍ରାୟ ଅଧାରୁ ଅଧିକ ବ୍ୟକ୍ତିଙ୍କ ସମସ୍ୟା ପାଲଟି ଗଲାଣି। ଯଦି ନିଜ ଜୀବନ ଶୈଳୀକୁ ଏକ ନିର୍ଦ୍ଦିଷ୍ଟ ନୀତିରେ ପକାଇ ଦିଆଯାଏ ତେବେ ନିଦ୍ରାହୀନତା କମ୍ କରାଯାଇପାରେ।
Sambad is now on WhatsApp
Join and get latest news updates delivered to you via WhatsApp
: ପ୍ରତିଦିନ ବ୍ୟାୟାମ କରିବା ଶରୀର ପାଇଁ ଖୁବ୍ ଜରୁରୀ। ବ୍ୟାୟାମ କରିବା ଦ୍ୱାରା ଶରୀର ଥକି ପଡ଼େ। ଶରୀରରେ ଥକାପଣ ରହିଲେ ଅପେକ୍ଷାକୃତ ଜଲ୍ଦି ନିଦ ଆସିଥାଏ। ଅତି କମରେ ଅଧ ଘଣ୍ଟା ବ୍ୟାୟାମ କରନ୍ତୁ।
: ଖଟକୁ ଯିବାର ଓ ଖଟରୁ ଓହ୍ଲାଇବାର ଏକ ନିର୍ଦ୍ଦିଷ୍ଟ ସମୟ ନିର୍ଦ୍ଧାରଣ କରନ୍ତୁ। ଯେତେ କାମ ଥିଲେ ବି ଆପଣଙ୍କ ସମୟ ହେବା ମାତ୍ରେ ବିଛଣାକୁ ଯାଆନ୍ତୁ ଓ ଯେତେ ନିଦ ଲାଗୁଥିଲେ ବି ଠିକ୍ ସମୟରେ ହିଁ ବିଛଣା ତ୍ୟାଗ କରନ୍ତୁ।
: ଯଦି ଆପଣଙ୍କର ଥଣ୍ଡା ଦେହ ନୁହେଁ ତେବେ ବିଛଣାକୁ ଯିବା ପୂର୍ବରୁ ଗାଧୋଇବାକୁ ଭୁଲନ୍ତୁୁ ନାହିଁ।
: ବିଛଣାକୁ ଯାଇ ସାରି କିଛି ସମୟ ଆଖି ବନ୍ଦ କରି ମନେ ମନେ ‘ଓମ୍’ ଉଚ୍ଚାରଣ କରନ୍ତୁ।
: ବିଛଣାକୁ ଯିବା ପରେ ଖାଇବା, ମୋବାଇଲ୍ ବ୍ୟବହାର କରିବା, ଟିଭି ଦେଖିବା ଆଦି କାମ କରନ୍ତୁ ନାହିଁ। ସବୁ କାମ ସାରିବା ପରେ ବିଛଣାକୁ ଯାଆନ୍ତୁ।