ଚିନି ବଦଳରେ ଗୁଡ଼ ଖାଇଲେ ଏହିସବୁ ଶାରୀରିକ ସମସ୍ୟା ରହେ ନାହିଁ
ଚିନି ଖାଇଲେ ମଧୁମେହରେ ପୀଡ଼ିତ ହେବାର ଆଶଙ୍କା ରହିଛି। ଅପରପକ୍ଷରେ ଚିନି ବଦଳରେ ଗୁଡ ସେବନ କଲେ ଭଲ ଓ ସ୍ୱାସ୍ଥ୍ୟପ୍ରଦ ବୋଲି କୁହାଯାଉଛି। ଏବେ ଆସନ୍ତୁ ଜାଣିବା ଗୁଡ ଖାଇଲେ କି କି ଫାଇଦା ମିଳିଥାଏ।
ହୃଦୟ ପାଇଁ ଭଲ: ଗୁଡରେ ଅଧିକ ମାତ୍ରାରେ ପୋଟାସିଅମ୍ ରହିଛି। ଏହା ଆମର ହୃଦୟକୁ ସୁସ୍ଥ ରଖିବାର ସହାୟକ ହୋଇଥାଏ। ଅଧିକ ଶାରୀରିକ ଶ୍ରମ କରୁଥିବା ଲୋକଙ୍କ ପାଇଁ ବି ଏହା ଲାଭଦାୟକ।
ମାସିକ ଋତୁସ୍ରାବ ନିୟମିତ କରାଏ: ଯେଉଁମାନଙ୍କର ମୂତ୍ରଜନିତ ସମସ୍ୟା ରହିଛି, ସେମାନେ ନିୟମିତ ଭାବେ ଗୁଡ ଖାଇଲେ, ସେଥିରୁ ରକ୍ଷା ପାଇପାରିବେ। ଠିକ୍ ସେହିପରି ଯେଉଁ ମହିଳାମାନଙ୍କର ନିୟମିତ ମାସିକ ଋତୁସ୍ରାବ ହେଉନାହିଁ, ସେମାନେ ଗୁଡ ଖାଇଲେ ସେହି ସମସ୍ୟା ବି ଦୂରୀଭୂତ ହୋଇଥାଏ।
ଗ୍ୟାସଷ୍ଟ୍ରିକ୍ ସମସ୍ୟା ରହେ ନାହିଁ: ଯେଉଁମାନେ ଗୁଡ ସେବନ କରନ୍ତି, ସେମାନଙ୍କର ଗ୍ୟାଷ୍ଟ୍ରିକ୍ ସମସ୍ୟା ରହେ ନାହିଁ। ଯେଉଁମାନଙ୍କର ପେଟରେ ଗ୍ୟାସ ଜନିତ ସମସ୍ୟା ରହିଛି, ସେମାନେ ଏକ ଗ୍ଲାସ ପାଣିରେ ଗୁଡ଼ ମିଶାଇ ପିଇଲେ, ସେହି ସମସ୍ୟା ଦୂରେଇ ଯିବ।
ଆଇରନ୍ର ଅଭାବତା ଦୂର କରିଥାଏ: ଯଦି ଶରୀରରେ ଆଇରନ୍ କମ୍ ଥାଏ, ତେବେ ଗୁଡ ଖାଇବାକୁ ଚିକିତ୍ସକମାନେ ପରାମର୍ଶ ଦେଇଥାନ୍ତି।
ମଧୁମେହକୁ ନିୟନ୍ତ୍ରିତ କରିଥାଏ: ମଧୁମେହ ରୋଗୀମାନେ ଚିନି ବଦଳରେ ଗୁଡ଼ ଖାଇଲେ ମଧୁମେହକୁ ନିୟନ୍ତ୍ରଣରେ ରଖିପାରିବେ।
Sambad is now on WhatsApp
Join and get latest news updates delivered to you via WhatsApp
ବିଷାକ୍ତ ତତ୍ତ୍ୱକୁ ନିଷ୍କାସିତ କରିଥାଏ: ଗୁଡ ଖାଇଲେ ଆମ ଶରୀରରେ ଥିବା ବିଷାକ୍ତ ତତ୍ତ୍ୱ ନିଷ୍କାସିତ ହୋଇଥାଏ। ଏହାଫଳରେ ତ୍ୱଚାଜନିତ ସମସ୍ୟା ବି ରହେ ନାହିଁ। ତା’ଛଡା ଶରୀରରେ ରକ୍ତ ବିକାରଜନିତ ସମସ୍ୟା ମଧ୍ୟ ରହି ନଥାଏ ।