ଶୋଇବା ଶୈଳୀରୁ ଜାଣନ୍ତୁ ଆପଣଙ୍କ ସ୍ୱଭାବ କିପରି
ବ୍ୟକ୍ତିଙ୍କ ଭଳି ତାଙ୍କ ଶୋଇବା ଶୈଳୀ ମଧ୍ୟ ଭିନ୍ନ ଭିନ୍ନ ରହିଥାଏ । କିଛି ବ୍ୟକ୍ତି ସିଧା ହୋଇ ଶୋଇବାକୁ ପସନ୍ଦ କରିଥିବା ବେଳେ କିଛି ପେଟ ମାଡ଼ି ଶୋଇବାକୁ ପସନ୍ଦ କରିଥାନ୍ତି । କିଛି ବ୍ୟକ୍ତି ନିର୍ଦ୍ଦିଷ୍ଟ ପ୍ରକାରର ଶୋଇବା ଭଙ୍ଗି ରହିଥାଏ, ଯାହା ଦ୍ୱାରା ତାଙ୍କ ବ୍ୟକ୍ତିତ୍ୱ ବିଷୟରେ ଜଣାପଡ଼ିଥାଏ । ଆସନ୍ତୁ ଦେଖନ୍ତୁ କିପରି ରହିଛି ଆପଣଙ୍କ ଶୋଇବା ଶୈଳୀ ଏବଂ ତାହା ଆପଣଙ୍କ ବ୍ୟକ୍ତିତ୍ୱ କିପରି ପ୍ରକାଶ କରୁଛି।
Sambad is now on WhatsApp
Join and get latest news updates delivered to you via WhatsApp
ପିଠି ମାଡ଼ି ହୋଇ ସିଧା ଶୋଇବା : ପିଠି ମାଡ଼ି ସିଧା ଶୋଇବା ବ୍ୟକ୍ତି ସକାରାତ୍ମକ ଭାବନା ବିଶିଷ୍ଟ ହେବା ସହ ଜୀବନର ପ୍ରତ୍ୟେକଟି ମୁହୂର୍ତ୍ତକୁ ବଞ୍ଚିବାକୁ ପସନ୍ଦ କରନ୍ତି । ଏହି ବର୍ଗର ବ୍ୟକ୍ତି ସମସ୍ତଙ୍କ ଆକର୍ଷଣର କେନ୍ଦ୍ର ସାଜିବାକୁ ପସନ୍ଦ କରନ୍ତି । ସତ କହିବା ପାଇଁ ଏବଂ ଶୁଣିବା ପାଇଁ ପସନ୍ଦ କରନ୍ତି । ସାଧାରଣ ଏଭଳି ଭଙ୍ଗୀରେ ଶୋଉଥିବା ବ୍ୟକ୍ତିଙ୍କର ଆକର୍ଷିତ ବ୍ୟକ୍ତିତ୍ୱ ରହିଥାଏ ।
ପେଟ ମାଡ଼ି ଶୋଇବା : ଏହି ଭଙ୍ଗୀରେ ଶୋଉଥିବା ବ୍ୟକ୍ତି ସମସ୍ତ ସ୍ଥାନରେ ପ୍ରତିନିଧିତ୍ୱ କରିବାକୁ ପସନ୍ଦ କରନ୍ତି । ସମସ୍ତଙ୍କ ବିଷୟରେ ବୁଝିବା ସମସ୍ତଙ୍କ ସମସ୍ୟାର ସମାଧାନ କରିଥାନ୍ତି ଏହି ବ୍ୟକ୍ତି । ନିଜର ଭବିଷ୍ୟତ ବିଷୟରେ ଅଧିକ ଚିନ୍ତା କରିବା ସହ ସମସ୍ତ ପରିସ୍ଥିତିକୁ ଶାନ୍ତିର ସହ ସମ୍ଭାଳିଥାନ୍ତି । ନିଜର ବ୍ୟକ୍ତିଗତ ଏବଂ କାର୍ଯ୍ୟ ଜୀବନକୁ ଭିନ୍ନ ଭିନ୍ନ ରଖିବାକୁ ପସନ୍ଦ କରନ୍ତି ଏହି ବର୍ଗର ବ୍ୟକ୍ତି ।
ଗୋଟିଏ ଗୋଡ଼କୁ ଟେକି ଶୋଇବା : ଏହି ଭଙ୍ଗୀରେ ଶୋଉଥିବା ବ୍ୟକ୍ତିଙ୍କର ନିଜ ମନ ମୁତାବକ କାମ କରିବାକୁ ପସନ୍ଦ କରନ୍ତି । ନିଜ ଜୀବନରେ ସମସ୍ତ ସ୍ଥାନରେ କୌଣସି ନିର୍ଣ୍ଣୟ ନେବାକୁ ଦ୍ୱନ୍ଦ୍ୱ ଅନୁଭବ କରିଥାନ୍ତି । ପ୍ରକୃତି ପ୍ରେମୀ ହେବା ସହ ବୁଲିବା ପାଇଁ ଅଧିକ ପସନ୍ଦ କରିଥାନ୍ତି ଏହି ଭଙ୍ଗୀରେ ଶୋଉଥିବା ବ୍ୟକ୍ତି ।
କଡ଼ ମାଡ଼ି ଶୋଇବା :ଏହି ବର୍ଗର ବ୍ୟକ୍ତି ଶାନ୍ତ ଏବଂ ବୁଝିବା ପ୍ରକୃତିର ହୋଇଥାନ୍ତି । ନିଜର ଭବିଷ୍ୟତକୁ ନେଇ ଚିନ୍ତା ନଥାଏ । ଏହି ବ୍ୟକ୍ତି ମାନେ ଖୁସ ମିଜାଜ୍ର ହୋଉଥିବା ବେଳେ ଜୀବନର ବଦଳୁଥିବା ରଙ୍ଗ ସହ ନିଜକୁ ଢ଼ାଳିବାକୁ ପସନ୍ଦ କରନ୍ତି ।