ଗ୍ରୀଷ୍ମ ଦିନେ ଖାଇବା ପାଇଁ ପସନ୍ଦ କରାଯାଉଥିବା କେତୋଟି ଉପାଦେୟ ଫଳ ମଧ୍ୟରୁ କାକୁଡ଼ି ଅନ୍ୟତମ। ଆପଣ ଜାଣିଥିବେ ନିଶ୍ଚୟ ଯେ କାକୁଡ଼ିରେ ୯୬ ପ୍ରତିଶତ ପାଣି ଭାଗ ରହିଛି। ଏଥିରେ ରହିଥିବା ଭିଟାମିନ୍ ତ୍ୱଚାର ଗୁଣ ବୃଦ୍ଧି କରାଇବା ସହ ଯୁବା ଦିଶିବାରେ ସହାୟକ ହୁଏ। ତେବେ, ନିମ୍ନରେ କାକୁଡ଼ି ଖାଇବାର କେତୋଟି ମୁଖ୍ୟ ଫାଇଦା ସଂପର୍କରେ ଉଲ୍ଲେଖ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏଥିରେ ଯଥେଷ୍ଟ ପରିମାଣରେ ପାଣି ଥିବା ହେତୁ ଏହା ଶରୀରରୁ ବିଷ ଭାଗ ଦୂର କରିଥାଏ। କିଡନୀ ଷ୍ଟୋନ୍ର ସମ୍ଭାବନା ବି କମ ହୋଇଥାଏ।
ଶରୀର ପାଇଁ ଆବଶ୍ୟକୀୟ ମ୍ୟାଗ୍ନେସିୟମ, ସିଲିକନ୍ ଏବଂ ପଟ୍ଟାସିୟମ କାକୁଡ଼ିରେ ବହୁଳ ପରିମାଣରେ ରହିଛି।
ମଧୁମେହ ଦୂର କରିବା ସହ ରକ୍ତ ଚାପ ଏବଂ କୋଲେଷ୍ଟ୍ରୋଲ ଆୟତ୍ତ କରିବାରେ କାକୁଡ଼ି ଅବ୍ୟର୍ଥ କାର୍ଯ୍ୟ କରେ।
କର୍କଟ ରୋଗୀଙ୍କ ପାଇଁ ମଧ୍ୟ କାକୁଡ଼ି ଖୁବ୍ ଫଳପ୍ରଦ ହୋଇଥାଏ। କାକୁଡ଼ି ଖାଉଥିବା ଲୋକଙ୍କ ଭିତରେ କର୍କଟ ସମସ୍ୟା କମ୍ ରହିଥାଏ।
କାକୁଡ଼ି ଖାଇବା ଦ୍ୱାରା ଭଲ ହଜମ ମଧ୍ୟ ହୋଇଥାଏ। ଏହାବ୍ୟତୀତ କେଶ, ତ୍ୱଚା, ଓଜନ କମ୍ ଏବଂ ଆଖି ତଳ କଳା କମାଇବା ପାଇଁ ଏହା ମହୋଷଧୀ ପରି କାର୍ଯ୍ୟ କରେ।