ରାସ୍ତା କଡ଼ରେ ମିଳୁଥିବା ମକା ଖାଇବା ପୂର୍ବରୁ ଜାଣି ନିଅନ୍ତୁ ଶରୀର ଉପରେ ଏହାର ଖରାପ ପ୍ରଭାବ ସଂପର୍କରେ…
ରାସ୍ତା କଡ଼ରେ ମିଳୁଥିବା ମକା ପାଟିକୁ ସ୍ୱାଦିଷ୍ଟ ଲାଗିବା ସହ ଶରୀର ପାଇଁ ମଧ୍ୟ ଲାଭଦାୟକ ହୋଇଥାଏ । ବିଶେଷ କରି ଏବେ ମିଠା ମକାର ଚାହିଦା ଅଧିକ । ଆଜିକାଲି ଲୋକମାନେ ବାହାରକୁ ବୁଲି ଗଲେ ମିଠା ମକାକୁ ଖାଇବାକୁ ପସନ୍ଦ କରୁଛନ୍ତି । ବିଶେଷ କରି ବର୍ଷାଦିନେ ଲୋକମାନେ ବାହାରକୁ ଗଲେ ମକା ଖାଇବାର ମଜା ନେଇଥାନ୍ତି । କିନ୍ତୁ ଆପଣ ଜାଣିଛନ୍ତି କି ଏହା ଆପଣଙ୍କ ଶରୀର ପାଇଁ କେତେ କ୍ଷତିକାରକ! ଏହା ପାଟିକୁ ସ୍ୱାଦିଷ୍ଟ ଲାଗୁଥିଲେ ମଧ୍ୟ ବର୍ଷାଦିନେ ଏହାକୁ ସେବନ କରିବା ଶରୀର ପାଇଁ କ୍ଷତିକାରକ ହୋଇଥାଏ । ଆସନ୍ତୁ ଜାଣିବା ବର୍ଷଦିନେ ମକା ନଖାଇବାର ୩ଟି କାରଣ…
Sambad is now on WhatsApp
Join and get latest news updates delivered to you via WhatsApp
୧.ରାସ୍ତାକଡ଼ରେ ମିଳୁଥିବା ମକାରେ ମାଛି ବସୁଥିବାରୁ ସେଥିରେ ବିଭିନ୍ନ ପ୍ରକାରର ବ୍ୟକ୍ଟେରିଆ ରହିଯାଇଥାଏ । ଯଦି ଆପଣ ସେହି ବ୍ୟାକ୍ଟେରିଆ ବସିଥିବା ମକାକୁ ଖାଉଛନ୍ତି ତେବେ ଆପଣଙ୍କ ଶରୀରରେ ଅନେକ ରୋଗ ସୃଷ୍ଟି ହେବାର ଆଶଙ୍କା ବଢ଼ି ଯାଇଥାଏ ।
୨.ବର୍ଷାଦିନେ ମକାର ବିକ୍ରି ଅଧିକ ହେଉଥିବାରୁ ମକା ବିକାଳି ମକାକୁ ଭଲ ଭାବରେ ସଫା କରିବାକୁ ସମୟ ପାଆନ୍ତି ନାହିଁ । ଏହା ସହ ମକାକୁ ସେକିବା ପାଇଁ ଯେଉଁ ପାତ୍ରର ବ୍ୟବହାର କରାଯାଏ ତାହା କୋଇଲାରେ ଘୋଡ଼ା ଯାଇଥିବାରୁ କର୍କଟ ରୋଗ ହେବାର ଆଶଙ୍କା ଥାଏ ।
୩.ମକା ଉପରେ ଉପରେ ଲେମ୍ବୁର ରସ ଏବଂ ମସଲା ପକାଇବା ପରେ ଏହାର ସ୍ୱାଦ ବଢ଼ି ଯାଇଥାଏ । କିନ୍ତୁ ବ୍ୟବହାର କରାଯାଉଥିବା କଟା ଲେମ୍ବୁ ସେଭଳି ଭାବରେ ବାହାରେ ଦୀର୍ଘ ସମୟ ପର୍ଯ୍ୟନ୍ତ ପଡ଼ି ରହିଥାଏ । ଯାହାକୁ ମକାରେ ଚିପୁଡ଼ି ଖାଇଲେ ରୋଗ ସୃଷ୍ଟି ହୋଇଥାଏ ।