ଅନ୍ୟ ଉପରେ ବିଶ୍ୱାସ ରଖିବା ଏକ ଭଲ କଥା। ଏହା ଦ୍ୱାରା ସକରାତ୍ମକ ବାତାବରଣ ସୃଷ୍ଟି ହୋଇଥାଏ। ତଥାପି ବି ସବୁଥିରେ କିଛି କଟକଣା ବି ତ ରହିଛି। ତେବେ, ସବୁ ଲୋକଙ୍କୁ ବିଶ୍ୱାସ କରି ବସିବା ଅନୁଚିତ୍। କେତେକ ଲୋକ ଅଛନ୍ତି ସେମାନଙ୍କୁ ବିଶ୍ୱାସ କଲେ ଆପଣ ଅସୁବିଧାରେ ପଡ଼ିପାରନ୍ତି। ସେପରି ଲୋକଙ୍କ ସଂପର୍କରେ ନିମ୍ନରେ ଉଲ୍ଲେଖ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
-ବିନା କାରଣରେ ଯଦି କେହି ବାରମ୍ବାର ଆପଣଙ୍କ ପ୍ରଶଂସା କରୁଛନ୍ତି ତେବେ ,ସେପରି ଲୋକଙ୍କୁ ବିଶ୍ୱାସ କରିବା ଅନୁଚିତ। କୋଉଠି ନା କୋଉଁଠି ଆପଣଙ୍କ ପ୍ରଶଂସା କରିବା ପଛରେ ତାଙ୍କର ସ୍ୱାର୍ଥ ପ୍ରତିପାଦନ କରିବାର ଇଚ୍ଛାଟିଏ ଲୁଚିକରି ରହିଥାଏ।
-ଯେଉଁ ବ୍ୟକ୍ତି ଅନ୍ୟ ବିରୋଧରେ ଆସି ଆପଣଙ୍କ ସମ୍ମୁଖରେ ଗପୁଛନ୍ତି ସେମାନଙ୍କୁ ବିଶ୍ୱାସ କରନ୍ତୁ ନାହିଁ। ସେପରି ଲୋକ ଆପଣଙ୍କ ବିରୋଧରେ ବି ଅନ୍ୟ ଆଗରେ ଗପୁଥିବେ ବୋଲି ନିଶ୍ଚିତ ହୋଇଯାଆନ୍ତୁ।
-ସବୁ କଥାରେ ନିଜ ଫାଇଦା ଦେଖୁଥିବା ବ୍ୟକ୍ତିଠାରୁ ଦୂରେଇ ରୁହନ୍ତୁ। କାହିଁକି ନାଁ ଭଲ ସଂପର୍କର ପରମାପକ ଫାଇଦା ନୁହେଁ, ଶ୍ରଦ୍ଧା ହୋଇଥାଏ।
-ସଂପର୍କକୁ ସବୁବେଳେ ଟଙ୍କା ଦ୍ୱାରା ତଉଲୁଥିବା ବ୍ୟକ୍ତି ନିହାତି ସ୍ୱାର୍ଥପର ହୋଇଥାନ୍ତି। ସେମିତି ଯଦି କେହି ଆପଣଙ୍କ ସଂସ୍ପର୍ଶରେ ଅଛନ୍ତି ତେବେ ତାଙ୍କଠାରୁ ନିଜକୁ ଦୂରେଇ ରଖନ୍ତୁ।