କ’ଣ କଲେ ବାର୍ଦ୍ଧକ୍ୟ ଶୀଘ୍ର ଆସିଥାଏ ?
ସମସ୍ତେ ଚାହାଁନ୍ତି ଯୌବାନାବସ୍ଥା ଅଧିକ ସମୟ ବଜାୟ ରହୁ। କିନ୍ତୁ ଯେଉଁମାନେ କେତେକ ବିଷୟ ପ୍ରତି ଧ୍ୟାନ ନ ଦିଅନ୍ତି,ସେମାନେ ଶୀଘ୍ର ବାର୍ଦ୍ଧକ୍ୟାବସ୍ଥାରେ ପହଞ୍ଚି ଯାଆନ୍ତି।
ପ୍ରଥମ କଥା ହେଲା ମାନସିକ ଉତ୍ତେଜନାରେ ରହିବା। ବେଶି ସମୟ ମାନସିକ ଚାପରେ ରହିଲେ ଏହାର ଗଭୀର କୁ-ପ୍ରଭାବ ପଡ଼ିଥାଏ ଶରୀରରେ।ଏହା ଫଳରେ କେତେକ ହରମୋନ୍ ଉପରେ ଖରାପ ପ୍ରଭାବ ପଡ଼ିଥାଏ।
ମଣିଷ ଯୁବାବସ୍ଥାରେ ଯଦି ନିୟମିତ ଭାବେ ଅନିଦ୍ରାରେ ରହୁଥାନ୍ତି ଅଥବା ଦୈନିକ ୭ ରୁ ୮ ଘଣ୍ଟା ନିଦରେ ନ ଶୁଅନ୍ତି, ତେବେ ବାର୍ଦ୍ଧକ୍ୟ ଶୀଘ୍ର ଆସିଥାଏ। ଏହା ଫଳରେ ଉଚ୍ଚ ରକ୍ତଚାପ ଜନିତ ସମସ୍ୟା ମଧ୍ୟ ଉପୁଜିଥାଏ। ଏହା ଆପଣଙ୍କୁ ବାର୍ଦ୍ଧକ୍ୟ ଆଡ଼କୁ ନେଇଥାଏ।
ଯଦି ଗୋଟିଏ ସ୍ଥାନରେ ବସି କାମ କରିବାର ଅଭ୍ୟାସରେ ଅଭ୍ୟସ୍ତ ହୁଅନ୍ତି,ତେବେ ତାହାର କୁ-ପ୍ରଭାବ ମଧ୍ୟ ଶରୀର ଉପରେ ପଡ଼ିଥାଏ। ଏହା ଫଳରେ ଆପଣ ମୋଟା ହୋଇଯିବେ ଓ ଖାଦ୍ୟ ଠିକ୍ ଭାବେ ହଜମ ହୁଏ ନାହିଁ। ଏହା ବାର୍ଦ୍ଧକ୍ୟ ଆଡ଼କୁ ନେଇଥାଏ।
Sambad is now on WhatsApp
Join and get latest news updates delivered to you via WhatsApp
କମ୍ ଜଳ ପିିଇବା ମଧ୍ୟ ଶରୀର ପାଇଁ କ୍ଷତି କାରକ। କମ୍ ଜଳ ପିଇଲେ ଶରୀରରେ ଡ଼ି-ହାଇଡ୍ରେଟେଡ଼୍ ବା ଜଳ ଶୁଷ୍କତା ସମସ୍ୟା ଏବଂ ମୁହଁରେ ଚର୍ମ ଲୋଚାକୋଚା ହୋଇଥାଏ। ପରିମାଣ ସ୍ୱରୂପ ଏହା ବାର୍ଦ୍ଧକ୍ୟର ପ୍ରଥମ ଲକ୍ଷଣ ଭାବେ ପରିଲକ୍ଷିତ ହୋଇଥାଏ।