ସାଧାରଣତଃ କିଏ ବା ନ ଚାହେଁ ଜୀବନରେ ସଫଳ ହେବାକୁ? ତେବେ ମଣିଷ ଜୀବନରେ ଅଜ୍ଞାନତାବଶତଃ ଏପରି କିିଛି ଅସତ୍ ଉପାୟର ଅବଲମ୍ବନ କରିବସେ , ଯାହାକି ତାକୁ ସଫଳତା ଦେବା ପରିବର୍ତ୍ତେ ଅସଫଳତା ଆଣିଦେଇଥାଏ। ତେବେ ଆଜି ଆମେ ଆପଣଙ୍କୁ ଦୈନନ୍ଦିନ ଜୀବନରେ ଏପରି ୧୬ଟି ଜିନିଷ ତ୍ୟାଗ କରିବାକୁ ହେବ, ଯାହା ଆପଣଙ୍କୁ ଧନୀ ଓ ଜ୍ଞାନୀ ହେବା ରାସ୍ତାରେ ପରିଚାଳିତ କରିବ।
Sambad is now on WhatsApp
Join and get latest news updates delivered to you via WhatsApp
୧- ଆଳସ୍ୟ ତ୍ୟାଗ କରି ପ୍ରଥମତଃ ଆପଣ ବ୍ରାହ୍ମମୂହୁର୍ତ୍ତରେ ଶଯ୍ୟା ପରିତ୍ୟାଗ କରନ୍ତୁ।
୨- ତ୍ରିସନ୍ଧ୍ୟାରେ ସ୍ନାନ କରନ୍ତୁ, ଆଳସ୍ୟକୁ ତ୍ୟାଗ କରନ୍ତୁ।
୩- ନିରୋଗ ରହିବାକୁ ହେଲେ,ବ୍ୟକ୍ତିକୁ ଖାଦ୍ୟ ପ୍ରତି ଲାଳସା ତ୍ୟାଗ କରିବା ଉଚିତ୍।
୪- ପିତାମାତାଙ୍କ ପ୍ରତି ରହିଥିବା ଅବହେଳାକୁ ତ୍ୟାଗ କରିବା ଉଚିତ୍।
୫- ପ୍ରାର୍ଥନା କରିବା ସମୟରେ ବି ସଂସାର ଚିନ୍ତା ତ୍ୟାଗ କରିବା ଉଚିତ୍ ଅଟେ।
୬- ଏହାସହିତ ଦାନ ସମୟରେ ଲୋଭ ମଧ୍ୟ ବର୍ଜନୀୟ ଅଟେ।
୭- ଯଦି ଆପଣ ନ୍ୟାୟ ପାଇଁ ଲଢ଼ୁଥା’ନ୍ତି ,ତେବେ ସେ ସମୟରେ ଭୟକୁ ତ୍ୟାଗ କରିବେ!
୮-ଏହାସହିତ ପୂଜା ସମୟରେ କାମନାକୁ ତ୍ୟାଗ କରନ୍ତୁ।
୯- ଏଥିସହିତ ସାଧନା ସମୟରେ କୋଳାହଳ ବି ତ୍ୟାଗ କରନ୍ତୁ।
୧୦-କୌଣସି ରୋଗରେ ପଡ଼ିଥିଲେ ଆପଣ ଅପଥ୍ୟକୁ ତ୍ୟାଗ କରନ୍ତୁ।
୧୧-ତେବେ ବିପଦରେ କାତରତାକୁ ତ୍ୟାଗ କରିବା ବୁଦ୍ଧିମାନ ବ୍ୟକ୍ତିର କାର୍ଯ୍ୟ ଅଟେ।
୧୨-ଅତୀତ ଲାଗି ଦୁଃଶ୍ଚିନ୍ତାକୁ ତ୍ୟାଗ କରନ୍ତୁ। କାରଣ ଶାସ୍ତ୍ରରେ ରହିଛି କି,ବୁଦ୍ଧିମାନ ବ୍ୟକ୍ତି ଆଦୌ ହେଲେ ବି ଅତୀତର ଚିନ୍ତା କରନ୍ତି ନାହିଁ।
୧୩-ପହରା ଦେବା ସମୟରେ ନିଦ୍ରା ତ୍ୟାଗ କରିବା ଉଚିତ ଅଟେ।
୧୪-ଜୀବନକୁ ଉପଭୋଗ କରିବାକୁ ଚାହୁଁଥିଲେ ,ଗର୍ବ ଓ ଅଂହକାର କୁ ତ୍ୟାଗ କରନ୍ତୁ।
୧୫-ପୁତ୍ର ଅବାଧ୍ୟ ହେଲେ ମା’କୁ ମମତାକୁ ତ୍ୟାଗ କରିବା ଉଚିତ୍। ନହେଲେ ମା’ର ସେହି ସ୍ନେହ ମମତା ହିଁ ପୁତ୍ରର ଭବିଷ୍ୟତ କୁ ନଷ୍ଟ କରିଦିଏ।
୧୬-ଆପଣ ଯଦି ଆଦର୍ଶ ଜୀବନ ବଞ୍ଚବାକୁ ଚାହୁଁଥା’ନ୍ତି,ତେବେ ସ୍ୱାର୍ଥକୁ ଆପଣଙ୍କ ଜୀବନରୁ ତ୍ୟାଗ କରନ୍ତୁ।