ଏହିସବୁ ସାମଗ୍ରୀ ତଳେ ରଖିବା ଠିକ୍ ନୁହେଁ , ଜାଣନ୍ତୁ କିପରି ରଖିବେ ?
ସନାତନ ଧର୍ମ ବା ହିନ୍ଦୁ ଧର୍ମ କେବଳ ପ୍ରାଚୀନ ଧର୍ମ ନୁହେଁ, ଏହା ଏକ ଜୀବନ ଧାରା ମଧ୍ୟ। ହିନ୍ଦୁ ଧର୍ମାବଲମ୍ବୀମାନେ ଧୈର୍ଯ୍ୟ, ସାଧୁତା, ପବିତ୍ରତା,ଦୟା,କ୍ଷମା, ଆତ୍ମନିର୍ଭରଶୀଳତା ଉପରେ ଅଧିକ ଗୁରୁତ୍ୱ ଦେଇଥାନ୍ତି। ହିନ୍ଦୁ ଧର୍ମ ଚାରିଟି ମୁଖ୍ୟ ଲକ୍ଷ୍ୟ ହେଲା-ଧର୍ମ,ଅର୍ଥ,କାମ ଓ ମୋକ୍ଷ। ଏଥିଲାଗି ଧାର୍ମକ ଲୋକ ଖୁବ୍ ସତର୍କତାର ସହ ଜୀବନ ବିତାଇଥାନ୍ତି। ସେମାନେ ନୀତି ନିୟମ ପାଳନ କରିଥାନ୍ତି।
ବ୍ରହ୍ମ ଦୈବର୍ତ୍ତ ପୁରାଣରେ ଭଗବାନଙ୍କ ଆରାଧନା ଲାଗି କେତେକ ସ୍ୱତନ୍ତ୍ର ପଦ୍ଧତି କଥାର ଉଲ୍ଲେଖ ରହିଛି, ଯାହାକୁ ପାଳନ କରିଲେ, ମଣିଷ ସୁଖୀ ଜୀବନ ବିତାଇବ। ସେହି ପୁରାଣର କଥା ଅନୁଯାୟୀ କେତେକ ପବିତ୍ର ସାମଗ୍ରୀକୁ ଆଦୌ ଭୂମି ଉପରେ ରଖିବା ଠିକ୍ ନୁହେଁ। ଆସନ୍ତୁ ଜାଣିବା ସେହି ଜିନିଷଗୁଡିକ କ’ଣ?
Sambad is now on WhatsApp
Join and get latest news updates delivered to you via WhatsApp
ଦୀପ: ଦୀପକୁ କେବେ ବି ଭୂମି ଉପରେ ରଖିବା ଉଚିତ ନୁହେଁ। ଯଦି ସେଭଳି ଆବଶ୍ୟକତା ପଡ଼େ,ତେବେ କିଛି ଧାନ ବା ଚାଉଳ ଉପରେ ବା କାଠ ଉପରେ ରଖନ୍ତୁ।
ଗୁଆ:ପୂଜା ସମୟରେ ଗୁଆକୁ ଭୂମି ଉପରେ ରଖିବା ଠିକ୍ ନୁହେଁ। ଏହାକୁ ରୂପା ମୁଦ୍ରା ଉପରେ ରଖନ୍ତୁ।
ଶାଳଗ୍ରାମ: ଶାଳଗ୍ରାମଙ୍କୁ ମଧ୍ୟ ନଳେ ରଖିବା ଅନୁଚିତ। ଏହାଙ୍କୁ ରଖିବା ଆଗରୁ ପ୍ରଥମେ ଏକ ସ୍ୱଚ୍ଛ ହଳଦିଆ କପଡା ପକାନ୍ତୁ। ତା’ଉପରେ ରଖନ୍ତୁ।
ରତ୍ନ ପଥର: ପୂଜାର୍ଚ୍ଚନା ସମୟରେ କୌଣସି ରତ୍ନପଥରକୁ ତଳେ ରଖାଯାଏ ନାହିଁ। ଏହାକୁ ପାନପତ୍ର ଉପରେ ରଖନ୍ତୁ।
ମୂର୍ତ୍ତି:କୌଣସି ଠାକୁରଙ୍କ ମୂର୍ତ୍ତିକୁ ତଳେ ରଖନ୍ତୁ ନାହିଁ। ତାଙ୍କୁ କୌଣସି କାଠ ଉପରେ ବା ଧାନ ଉପରେ ରଖି ପାରନ୍ତି।
ପଇତା:ଠାକୁର ପାଇଁ ଉଦ୍ଦିଷ୍ଟ ପଇତାକୁ କେବେ ବି ଭୂମି ଉପରେ ରଖାଯିବା ଉଚିତ ନୁହେଁ। ଏହାକୁ ଏକ ପରିଷ୍କାର ଧଳା କପଡା ବା ପାତ୍ରରେ ରଖିଲେ ଭଲ।
ଶଙ୍ଖ: ଶଙ୍ଖକୁ ଭଲ ଭାବେ ଧୋଇ ଏକ ଧଳା କପଡା ଉପରେ ରଖିବା ଉଚିତ। କୌଣସି ବି ପରିସ୍ଥିତିରେ ଏହାକୁ ଭୂଇଁ ଉପରେ ରଖିବା ଠିକ୍ ନୁହେଁ।