ଆମର ହାତର ଆକାର ଯେମିତି ଭିନ୍ନ ଭିନ୍ନ ଠିକ୍ ସେମିତି ଆଙ୍ଗୁଠିର ଆକାର ବି ଅଲଗା ଅଲଗା। କାହାର ହାତର ଆଙ୍ଗୁଠିର ଲମ୍ବା, ତ କାହାର ଛୋଟ। ଏହି ଅଙ୍ଗୁଠିର ସଂରଚନାରୁ କେମିତି ଜାଣିବେ ଜଣଙ୍କ ଚରିତ୍ର ବିଷୟରେ, ଆସନ୍ତୁ ଜାଣିବେ । ଯାହାର ବୁଢ଼ା ଆଙ୍ଗୁଠି ତର୍ଜନୀ ଆଙ୍ଗୁଳିର ମଧ୍ୟ ଭାଗ ଯାଏଁ ଥାଏ, ଏହା ସାମାନ୍ୟ ଲମ୍ବା ଅଟେ । ଏହିପରି ଆଙ୍ଗୁଳି ଥିବା ଲୋକମାନଙ୍କର କିଛି ଖାସ୍ ଗୁଣ ଥାଏ । ଏମାନେ ନିଜ କଥା ଶୁଣନ୍ତି ଏବଂ ନିଜ ବିଚାର ଅନୁସାରେ କାମ କରନ୍ତି । ଏମାନଙ୍କର ମତ ସମସ୍ତଙ୍କ ଠାରୁ ଅଲଗା ହୋଇଥାଏ । ପ୍ରତ୍ୟେକ ବିଷୟ ଉପରେ ସକାରାତ୍ମକ ରାୟ ଦେଇଥାନ୍ତି ।
Sambad is now on WhatsApp
Join and get latest news updates delivered to you via WhatsApp
ଯଦି ହାତର ବୁଢ଼ା ଆଙ୍ଗୁଳି ଛୋଟ ଥାଏ, ଏହି ଲୋକମାନେ ଅନ୍ୟର ବିଚାରରେ ଚାଲନ୍ତି ଏବଂ ବହୁତ ପରିଶ୍ରମୀ ହୋଇଥାଆନ୍ତି । କିଛି ଲୋକଙ୍କର ବୁଢ଼ା ଆଙ୍ଗୁଳି ଶରୀର ତ୍ୱଚା ତୁଳନାରେ ଅଲଗା ଥାଏ । ସେହି ଲୋକମାନେ ବହୁତ ଭାବିଚିନ୍ତି କାମ କରିଥାନ୍ତି । ଏମାନଙ୍କୁ ମନେଇବା ବହୁତ କଷ୍ଟ । ଏମିତି ବି ଲୋକ ଅଛନ୍ତି ଯାହାଙ୍କର ବୁଢ଼ା ଆଙ୍ଗୁଳିକୁ ସେ କୌଣସି ଦିଗରେ ବୁଲେଇପାରିବେ । ଏମିତି ଲୋକଙ୍କର ବ୍ୟବହାର ବି ଏହିପରି । କୌଣସି ପରିସ୍ଥିତିରେ ସେ ନିଜକୁ ଚଳେଇପାରିବେ । ଏମାନଙ୍କୁ ଧନ କମେଇବା ପାଇଁ ବହୁତ ଆଗ୍ରହ ଥାଏ । ସମକୋଣୀ ବୁଢ଼ା ଆଙ୍ଗୁଳି: ଯଦି ଆଙ୍ଗୁଳିକୁ ସିଧା ଟାଣିବା ପରେ, ଏହା ରାଇଟ୍ ଆଙ୍ଗଲ୍ ଭଳି ରହିଥାଏ। ଏପରି ଲୋକମାନଙ୍କୁ କେହି ହରେଇପାରିବେ ନାହିଁ । ଯଦି କେବେ ହାରିଯାଆନ୍ତି, ତା’ହେଲେ ଆଉଥରେ ଚେଷ୍ଟା କରନ୍ତି ।
ଯଦି ଆଙ୍ଗୁଳିକୁ ସିଧା କରିବା ପରେ ଏହା ଭିତରକୁ ରହିଥାଏ, ଏହାକୁ ଆକ୍ୟୁଟ୍ ଆଙ୍ଗେଲ ବୁଢ଼ା ଆଙ୍ଗୁଳି କହନ୍ତି । ଏମିତି ଲୋକମାନଙ୍କର ଭାବତା ନକାରାତ୍ମକ ହୋଇଥାଏ । ଲୋକମାନଙ୍କୁ ହଇରାଣ କରିବା, ଖରାପ କାର୍ଯ୍ୟରେ ଲିପ୍ତ ରହିବା ଆଦି ଏହି ଲୋକମାନଙ୍କର ଅଭ୍ୟାସ । ଏହି ଲୋକମାନେ ଭୂତ-ପ୍ରେତ, ଗୁଣିଗାରେଡି କୁ ବିଶ୍ୱାସ କରନ୍ତି ।