ଏପରି ଲୋକମାନେ ଧନୀ ହୋଇପାରନ୍ତି ନାହିଁ, ଜାଣନ୍ତୁ କାହିଁକି?
ରାମଚରିତ ମାନସ ଏକ ଏପରି ଗ୍ରନ୍ଥ ଯାହା ପଢିବା ଦ୍ୱାରା ବ୍ୟକ୍ତିର ଜୀବନ ଶୁଦ୍ଧ, ପରିଷ୍କୃତ ଓ ସହଜ ହୋଇଯିବ । ଆମେ ଧନ ପାଇଁ ଦିନରାତି ପରିଶ୍ରମ କରୁଥାଉ । କାହିଁକି ନା ଯେତେ ଅଧିକ ଧନ, ସେତିକି ଅଧିକ ସମ୍ମାନ ବୋଲି ଆମେ ଭାବିଥାଏ । ପରିଶ୍ରମ ଆମେ ସମସ୍ତେ କରୁଛୁ । କିନ୍ତୁ ରାମଚରିତମାନସ ଅନୁସାରେ କିଛି ଲୋକ ଏମିତି ଅଛନ୍ତି ,ଯାହା ପାଖରେ ଧନ କେବେ ରହିପାରିବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ରାମଚରିତ ମାନସରେ ଉଲ୍ଲେଖିତ ଅଛି ଯେ ଯେଉଁ ଲୋକ ସବୁବେଳେ ନିଶାରେ ରହନ୍ତି, ମାଦକ ପଦାର୍ଥ ସେବନ କରନ୍ତି, ସେମାନେ ଅର୍ଜିତ କରିଥିବା ସାରା ଧନ ଏହି ଅଭ୍ୟାସରେ ହିଁ ବ୍ୟୟ କରିଥାଆନ୍ତି । ଯେଉଁ ଲୋକମାନେ ନିଜ ଜୀବନସାଥୀଙ୍କୁ ଧୋକା ଦେଇଥାଆନ୍ତି, ସେମାନେ କେବେ ହେଲେ ଧନୀ ହୋଇପାରନ୍ତି ନାହିଁ । କାହଁକି ନା ପତି ବା ପତ୍ନୀକୁ ଲୁଚେଇ କି ଯେଉଁ ଲୋକମାନେ ଅନ୍ୟ ଲୋକ ଉପରେ ଖର୍ଚ୍ଚ କରିଥାଆନ୍ତି, ସେମାନେ ଧନୀ ହୋଇପାରନ୍ତି ନାହିଁ । ଯେଉଁମାନେ ଧନକୁ ଅଧିକ ଲୋଭ କରନ୍ତି ବା ଧନ ପଛରେ ଦୌଡନ୍ତି ସେମାନେ ଧନ ପ୍ରାପ୍ତି କରିପାରନ୍ତି ନାହିଁ । ସେମାନଙ୍କର ଆଶା ଅଧାରେ ରହିଯାଏ । ଗର୍ବୀ ଲୋକମାନେ ମଧ୍ୟ ଧନ ହାସଲ କରିପାରନ୍ତି ନାହିଁ । ସେମାନେ ଅନ୍ୟକୁ ସମ୍ମାନ ଦିଅନ୍ତି ନାହିଁ । ନିଜକୁ ସବୁଠାରୁ ଉପରେ ଭାବନ୍ତି । ନିଜର ଗର୍ବ ପାଇଁ ସେମାନେ କାହା ସହିତ ମିଶିପାରନ୍ତି ନାହିଁ । ଯେଉଁ ଲୋକମାନେ ଅନ୍ୟ ପାଖରେ ଚାକିରି କରିଥାଆନ୍ତି, ସେମାନେ ନିଜର ସ୍ୱପ୍ନ ପୂରଣ କରିପାରନ୍ତି ନାହିଁ । ସେମାନେ ଖାଲି ଧନ ଅର୍ଜନ କରିଥାଆନ୍ତି, କିନ୍ତୁ ଏକତ୍ର କରିପାରନ୍ତି ନାହିଁ ।