ଅପରାଧ ପାଇଁ ଯୋଜନା କରୁଥିବା ୩ ଗିରଫ
ଭୁବନେଶ୍ୱର: ସତ୍ୟନଗର ଓଭର ବ୍ରିଜ୍ ପାଖରେ ଡକାୟତି ପାଇଁ ଯୋଜନା କରୁଥିବା ବେଳେ ଚଢ଼ାଉ କରି ଖାରବେଳନଗର ଥାନା ପୁଲିସ ଏକ ଗ୍ୟାଙ୍ଗର ୩ ଜଣଙ୍କୁ ଗିରଫ କରିଛି। ଗିରଫ ଯୁବକମାନେ ହେଲେ ମାଳି ସାହିର ଜଗନ ସାହୁ ଓ ସହିଦନଗର ବସ୍ତିର ସେକ ହାଇଦର ଅଲ୍ଲୀ ଓ ସେକ୍ ସଫିକୁଲ ଇସ୍ଲାମ। ସେମାନଙ୍କ ଠାରୁ ଏକ ଆପାଚି ମୋଟର ସାଇକେଲ, ୧୬ଟି ମୋବାଇଲ ଫୋନ, ୨ଟି କଟୁରି, ଗୋଟିଏ ଛୁରି ଓ ଘରଭଙ୍ଗା ଯନ୍ତ୍ର ଜବତ କରାଯାଇଥିବା ପୁଲିସ କହିଛି।