୨୦ ଶିଳ୍ପୀଙ୍କୁ ମିଳିଲା ୫୦ହଜାର ଅର୍ଥ ରାଶି, ଜାତୀୟସ୍ତରୀୟ ଶିଳ୍ପୀ ଶିବିର ଉଦ୍‌ଯାପିତ

0 7

ଭୁବନେଶ୍ୱର: ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଲଳିତ କଳା ଏକାଡେମି ଏବଂ ଓଡ଼ିଶା ଖଣି ନିଗମର ମିଳିତ ସହଯୋଗରେ ଆଜି ପାନ୍ଥ ନିବାସଠାରେ ଜାତୀୟସ୍ତରୀୟ ଶିଳ୍ପୀ ଶିବିର ଉଦ୍‌ଯାପିତ ହୋଇଯାଇଛି। କାର୍ଯ୍ୟକ୍ରମରେ ଓଏମ୍‌ସି ନିର୍ଦ୍ଦେଶକ(ପର୍ସୋନେଲ) ଶାନ୍ତନୁ କୁମାର ରଥ, ଓଏମ୍‌ସିର ଅର୍ଥବିଭାଗ ନିର୍ଦ୍ଦେଶକ ସତ୍ୟଜିତ ମହାନ୍ତି ଓ ଓଏମ୍‌ସିର ପ୍ରୋଜେକ୍ଟ ପ୍ଲାନିଂ ନିର୍ଦ୍ଦେଶକ ରାମନାଥ ପ୍ରହରାଜ ଯୋଗଦେଇ ଖଣି ଓ ପ୍ରକୃତିର ସୁରକ୍ଷା କରାଗଲେ ଆମର ପର ପିଢି କିପରି ଉପକୃତ ହେବେ, ସେ ସମ୍ବନ୍ଧରେ ଆଲୋଚନା କରିଥିଲେ। ୨୦ ଜଣ ଶିଳ୍ପୀଙ୍କୁ ନେଇ ଆୟୋଜିତ ହୋଇଥିବା ୫ ଦିନିଆ ଶିବିରରେ ଶିଳ୍ପୀମାନେ ଦୁଇଟି ଲେଖାଏ ଚିତ୍ର ଅଙ୍କନ କରିଥିଲେ। ସେମାନଙ୍କୁ ପ୍ରୋତ୍ସାହିତ କରିବା ପାଇଁ ୫୦ ହଜାର ଟଙ୍କାର ଅର୍ଥ ରାଶି, ଉତ୍ତରୀୟ ଓ ପ୍ରମାଣପତ୍ର ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ଏକାଡେମିର ସଚିବ ମାନସ ରଞ୍ଜନ ଜେନା ସ୍ୱାଗତ ଭାଷଣ ଦେଇଥିବା ବେଳେ ସୁଶାନ୍ତ କୁମାର ସ୍ୱାଇଁ କାର୍ଯ୍ୟକ୍ରମ ପରିଚାଳନା କରିଥିଲେ।

ସମ୍ବନ୍ଧିତ ଖବର

Leave A Reply

Your email address will not be published.