ଭୁବନେଶ୍ୱର : ‘ସ୍ୱଚ୍ଛ ଭାରତ ଅଭିଯାନ’ ସଚେତନତା ଉପଲକ୍ଷେ ଭାରତୀୟ ତୈଳ ନିଗମ ଲିମିଟେଡ ସହଯୋଗରେ ସଂଯୋଗ ନାଟ୍ୟାନୁଷ୍ଠାନ ପକ୍ଷରୁ ଏକ ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ରାମ ମନ୍ଦିର ସମ୍ମୁଖରୁ ଏହି ଶୋଭାଯାତ୍ରା ବାହାରି ମାଷ୍ଟରକ୍ୟାଣ୍ଟିନ ଛକରେ ପହଞ୍ଚିଥିଲା। ଏହି ଶୋଭାଯାତ୍ରାକୁ ଦକ୍ଷିଣ-ପୂର୍ବକ୍ଷେତ୍ର ପାଇପଲାଇନ୍ସ, ଭୁବନେଶ୍ୱରର ଅଧିକାରୀ ପି.ସି ଚୌବେ, ଏସ୍. ପଟ୍ଟନାୟକ, ସଞ୍ଜୀବ ସାମଲ ପ୍ରମୁଖ ଉଦ୍ଘାଟନ କରିଥିଲେ। ଶୋଭାଯାତ୍ରା ମାଷ୍ଟରକ୍ୟାଣ୍ଟିନରେ ପହଞ୍ଚିବା ପରେ ସେଠାରେ ଜଳ ଓ ପରିମଳ ପ୍ରସଙ୍ଗକୁ ନେଇ ପଥପ୍ରାନ୍ତ ନାଟକ ପରିବେଷଣ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ରଞ୍ଜନ ନାୟକ ନାଟକର ରଚନା ସହ ନିର୍ଦେଶନା ଦେଇଥିଲେ। ବାପି, ବିଭୁ, ଶମ୍ଭୁ, ନିନୀତା, ମାନସ, ଡିକେ, ଗଗନ ଓ ଲକି ପ୍ରମୁଖ ନାଟକରେ ଅଭିନୟ କରିଥିଲେ।