ପତ୍ନୀକୁ ଖଣ୍ଡାରେ ହାଣି ଜେଲ୍ ଗଲେ ପତି
ଧଉଳି: ପତ୍ନୀଙ୍କୁ ଖଣ୍ଡାରେ ଆକ୍ରମଣ କରିବା ଅଭିଯୋଗରେ ଉତ୍ତରା ଫାଣ୍ଡି ପୁଲିସ ଆଜି ସ୍ଥାନୀୟ ପୁବା ଶାସନ ଗ୍ରାମର ପ୍ରମୋଦ ତ୍ରିପାଠୀଙ୍କୁ (୪୨) ଗିରଫ କରି କୋର୍ଟ ଚାଲାଣ କରିଛି। ପ୍ରମୋଦଙ୍କ ପତ୍ନୀ ସୁସ୍ମିତା ତ୍ରିପାଠୀ ଏ ନେଇ ଫାଣ୍ଡିରେ ଅଭିଯୋଗ କରିଥିଲେ। ପୁଲିସ ସୂଚନା ଅନୁଯାୟୀ ଗତ ୮ ବର୍ଷ ତଳେ ପ୍ରମୋଦ ଓ ସୁସ୍ମିତାଙ୍କ ବିବାହ ହୋଇଥିଲା। ବିବାହର କିଛି ମାସ ପରେ ଉଭୟଙ୍କ ମଧ୍ୟରେ ମନୋମାଳିନ୍ୟ ହୋଇଥିଲା। ପ୍ରମୋଦ ବିଭିନ୍ନ ସମୟରେ ସୁସ୍ମିତାଙ୍କ ଉପରେ ମାନସିକ ଓ ଶାରୀରିକ ନିର୍ଯାତନା ଦେଉଥିଲେ। ନିର୍ଯାତନା ଅସହ୍ୟ ହେବାରୁ ସୁସ୍ମିତା ମଝିରେ ମଝିରେ ବାପ ଘରେ ରହୁଥିଲେ। ଗତ ୩୧ ତାରିଖ ଅପରାହ୍ଣରେ ଉଭୟଙ୍କ ମଧ୍ୟରେ ଭୀଷଣ ଗଣ୍ଡଗୋଳ ହୋଇଥିଲା। ଏଥିରେ ରାଗିଯାଇ ପ୍ରମୋଦ ଏକ ଖଣ୍ଡାରେ ସୁସ୍ମିତାଙ୍କୁ ଆକ୍ରମଣ କରିଥିଲେ।