‘ଜଙ୍ଗ୍‌ଲି’ ଚଳଚ୍ଚିତ୍ରରେ ଓଡ଼ିଆ

0

ଭୁବନେଶ୍ବର: ହାତୀଙ୍କ ଉପରେ ଆଧାରିତ ବଲିଉଡ୍‌ ଚଳଚ୍ଚିତ୍ର ‘ଜଙ୍ଗ୍‌ଲି’ରେ ଆପଣଙ୍କୁ ଓଡ଼ିଆ ଛୁଙ୍କର ସ୍ବାଦ ମିଳିବ। କଥିତ ଭାଷାରେ ନହେଲେ ବି ଓଡ଼ିଆ ଶବ୍ଦ ଓ ଜଙ୍ଗଲର ଦୃଶ୍ୟ ଓଡ଼ିଆ ବାସ୍ନା ଦେବ। ସିନେମା ହଲ୍‌ରେ ଆପଣ ଫିଲ୍ମ ଦେଖିବା ବେଳେ କିଛି କ୍ଷଣ ଓଡ଼ିଶାରେ ଥିବା ଭଳି ଅନୁଭବ କରିବେ। ଆମେରିକାନ୍‌ ନିର୍ଦେଶକ ଚକ୍ ରସେଲ୍‌ଙ୍କ ନିର୍ଦେଶିତ ଏବଂ ବିଦ୍ୟୁତ ଜମ୍ମୱାଲ୍‌ଙ୍କ ଅଭିନୀତ ଏହି ଚଳଚ୍ଚିତ୍ର ହାତୀ ଶିକାର ଉପରେ ପର୍ଯ୍ୟବେସିତ ହୋଇଛି। ଅନ୍ତର୍ଜାତୀୟ ସ୍ତରର ଶିକାରୀମାନେ ହାତୀ ଦାନ୍ତ ପାଇଁ ଜଙ୍ଗଲରେ ପଶି ହାତୀଙ୍କୁ ହତ୍ୟା କରୁଥିବା ବେଳେ ହାତୀଙ୍କୁ ରକ୍ଷା କରିବା ପାଇଁ ଏକ ପରିବାରର ସମର୍ପିତ କଥାବସ୍ତୁକୁ ଏହି ଚଳଚ୍ଚିତ୍ରରେ ରୂପାନ୍ତର କରାଯାଇଛି।

ବିଶେଷତ୍ବ ଏହି ଯେ, ଓଡ଼ିଶାବାସୀ ଚଳଚ୍ଚିତ୍ରଟି ଦେଖିବା ବେଳେ କୌତୂହଳ ଅନୁଭବ କରିବେ। ଚଳଚ୍ଚିତ୍ରର ଏକ ଦୃଶ୍ୟରେ ପୁଲିସ୍‌ ହାତୀ ଦାନ୍ତ ଜଳେଇ ଦେଉଥିବା ବେଳେ ସେଇ ସ୍ଥାନରେ ‘ଓଡ଼ିଶା ପୁଲିସ୍‌’ ବୋଲି ଓଡ଼ିଆରେ ଲେଖା ଯାଇଥିବା ଦେଖିବାକୁ ମିଳୁଛି। ସେହିପରି ଆଉ ଏକ ଚଳଚ୍ଚିତ୍ରରେ ବିଦ୍ୟୁତ ଜମ୍ମୱାଲ୍‌ଙ୍କୁ ଯେବେ ମିଛରେ ଫସାଇ ଥାନାକୁ ନିଆଯିବା ଦୃଶ୍ୟ ଦେଖାଯାଉଛି ସେଇ ସମୟରେ ଥାନାର ନାମ ଫଳ‌କରେ ‘ଗଜମଣି ଥାନା’ ଓଡ଼ିଆରେ ଲେଖାଥିବା ଦେଖିବାକୁ ମିଳୁଛି। ଏଥିସହ ଯେବେ ଚଳଚ୍ଚିତ୍ରର ନାୟକଙ୍କୁ ଥାନା ଭିତରେ ମାଡ଼ମାରି ପଚରା ଉଚରା କରାଯାଉଛି, ସେଇ ଥାନାର ଏକ କାନ୍ଥରେ କିଛି ନିର୍ଦେଶନାମା ଓଡ଼ିଆରେ ଲେଖାଥିବା ଦେଖିବାକୁ ମିଳୁଛି। ତେବେ ଏହି ଶବ୍ଦଗୁଡ଼ିକ ସ୍ପଷ୍ଟ ଭାବେ ପଢ଼ିବା ପାଇଁ ପର୍ଯ୍ୟାପ୍ତ ସୁଯୋଗ ମିଳୁନାହିଁ। ଯଦିଓ ଚଳଚ୍ଚିତ୍ରଟି ଥାଇଲାଣ୍ଡ୍‌ରେ ହାତୀମାନଙ୍କୁ ନେଇ ସୁଟିଂ ହୋଇଛି, ତେବେ ଏଥିରେ ଓଡ଼ିଶାକୁ ଉପସ୍ଥାପନ କରାଯାଇଛି। ଏଥିରେ ଯେଉଁ ହାତୀ ସଂରକ୍ଷଣ କେନ୍ଦ୍ର ତଥା ହସ୍ତୀ ଅଭୟାରଣ୍ୟ କଥା ଉଲ୍ଲେଖ ରହିଛି ତା’ର ନାମ ‘ଚନ୍ଦ୍ରିକା ହସ୍ତୀ ଅଭୟାରଣ୍ୟ’ ରହିଛି। ତେଣୁ ଅନେକ ଓଡ଼ିଆ ଦର୍ଶକ ଫିଲ୍ମ ଦେଖିବା ବେଳେ ଏହି ଅଭୟାରଣ୍ୟର ନାମ ଚନ୍ଦ୍ରିକା ନୁହେଁ ବରଂ ଚନ୍ଦକା ଅଭୟାରଣ୍ୟ ବୋଲି ପରସ୍ପରକୁ କହୁଥିବା ଶୁଣିବାକୁ ମିଳୁଛି। ୧୯୭୧ ମସିହାରେ ରାଜେଶ ଖାନ୍ନା ଓ ତନୁଜାଙ୍କ ଅଭିନୀତ ଚଳଚ୍ଚିତ୍ର ‘ହାତୀ ମେରେ ସାଥୀ’ରୁ ଅନୁପ୍ରାଣିତ ହୋଇ ‘ଜଙ୍ଗ୍‌ଲି’ର ପରିକଳ୍ପନା କରିଥିଲେ ଏହାର କାହାଣୀ ଲେଖିଥିବା ରୋହନ ସିପ୍ପି। ବିଦ୍ୟୁତଙ୍କ ସମେତ ପୂଜା ସାୱନ୍ତ, ଆଶା ଭଟ୍ଟ, ଅତୁଲ କୁଲକର୍ଣ୍ଣୀ, ଅକ୍ଷୟ ଓବେରୋଇ, ମକରନ୍ଦ ଦେଶପାଣ୍ଡେ ଏବଂ ଟି ବିଜୟ ଏଥିରେ ଅଭିନୟ କରିଛନ୍ତି। ଚଳଚ୍ଚିତ୍ରରେ ସାମରିକ ଯୁଦ୍ଧ କଳାର ପ୍ରୟୋଗ ଯୁବବର୍ଗଙ୍କୁ ରୋମାଞ୍ଚିତ କରୁଛି। ତେବେ ମନ ଜିଣୁଛି ଶେଷ ସଂଳାପ। ‘ଯଦି ହାତୀ ଦାନ୍ତରେ ପ୍ରସ୍ତୁତ ସାମଗ୍ରୀ କେହି ନକିଣିବେ, ତେବେ ହାତୀ ଶିକାରୀଙ୍କ କବଳରୁ ମୁକ୍ତ ହୋଇଯିବ…

ସମ୍ବନ୍ଧିତ ଖବର

Leave A Reply

Your email address will not be published.