ଭୁବନେଶ୍ୱର : ସ୍ଥାନୀୟ ସତ୍ସଙ୍ଗ ବିହାରରେ ଶ୍ରୀଶ୍ରୀଠାକୁର ଅନୁକୂଳଚନ୍ଦ୍ରଙ୍କର ଏକ ବିଶେଷ ସତ୍ସଙ୍ଗ ଓ ନାମସଂକୀର୍ତ୍ତନ ଅନୁଷ୍ଠିତ ହୋଇଯାଇଛି। ସତ୍ସଙ୍ଗ ଫୋରମ୍ ହ୍ଵାଟ୍ସ୍ଆପ୍ ଗ୍ରୁପ୍ ପକ୍ଷରୁ ସତ୍ସଙ୍ଗ ବିହାର ପରିସରରେ ଥିବା ଋତାୟନୀ କକ୍ଷରେ ଏହା ଆୟୋଜିତ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ସତ୍ସଙ୍ଗ ଫୋରମ୍ର ଚତୁର୍ଥ ବାର୍ଷିକୀ ଅବସରରେ ଆୟୋଜନ କରାଯାଇଥିବା ଏହି ସତ୍ସଙ୍ଗରେ ସହ-ପ୍ରତି-ଋତ୍ବିକ ଶ୍ରୀ ଚକ୍ରଧାରୀ ନାୟକଙ୍କ ପରିଚାଳନାରେ ଭଜନ କୀର୍ତ୍ତନ ପରିବେଷଣ ହୋଇଥିଲା। ଏହାପରେ ଫୋରମ ପକ୍ଷରୁ ଶ୍ରୀ ସିଦ୍ଧେଶ୍ୱର ଦଳାଇ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ। ଆଜିର ସମୟରେ ଶ୍ରୀଶ୍ରୀଠାକୁରଙ୍କ ଭାବଧାରାର ପ୍ରାସଙ୍ଗିକତା ଉପରେ ଆଲୋଚନା କରିଥିଲେ ସହ-ପ୍ରତି-ଋତ୍ବିକ ଶ୍ରୀ ତାପସ କୁମାର ସାହୁ । ଏହାପରେ ସହ-ପ୍ରତି-ଋତ୍ବିକ ଶ୍ରୀ ବୈରାଗୀ ଚରଣ ସାହୁ ଶ୍ରୀଶ୍ରୀଠାକୁରଙ୍କ ଗୀତିବାଣୀ ପରିବେଷଣ କରିଥିଲେ। ସହ-ପ୍ରତି-ଋତ୍ବିକ ଶ୍ରୀ ଗୋପୀନାଥ ତ୍ରିପାଠୀଙ୍କ ପରିଚାଳନାରେ ଅନୁଷ୍ଠିତ ଏହି ସତସଙ୍ଗ ସମାବେଶର ଆୟୋଜନ କରିଥିଲେ ସତସଙ୍ଗ ଫୋରମ୍ ଗ୍ରୁପ୍ର ଆଡମିନ୍ ସତ୍ୟରଞ୍ଜନ ପ୍ରଧାନ।