ଭୁବନେଶ୍ବର : ରାଜ୍ୟର ଏସଏଚଜି ଗ୍ରୁପ ପାଇଁ ସରକାରଙ୍କ ସହାୟତା ଘୋଷଣା ପରେ ବିଜେପି ନେତ୍ରୀ ଅପରାଜିତା ଷଡଙ୍ଗୀ କରିଛନ୍ତି ସିରିଜ ଟୁଇଟ । ବିଭିନ୍ନ ତଥ୍ୟ ରଖି ମିଶନ ଶକ୍ତି ଯୋଜନାକୁ ନେଇ ପ୍ରଶ୍ନ ଉଠାଇଛନ୍ତି ଅପରାଜିତା । ରାଜ୍ୟରେ ମୋଟ ୬ ଲକ୍ଷ ଏସଏଚଜି ଗ୍ରୁପ ରହିଥିବା ସରକାରୀ ଦାବିକୁ ନେଇ ସନ୍ଦେହ ପ୍ରକାଶ କରିଛନ୍ତି ଅପରାଜିତା ।
Sambad is now on WhatsApp
Join and get latest news updates delivered to you via WhatsApp
୨୦୧୩-୧୪ ବର୍ଷରେ ରାଜ୍ୟରେ ୫.୨୩ ଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠି ଥିଲେ ଏବେ ଏପ୍ରିଲ ୨୦୧୭ ସୁଦ୍ଧା ଆଉ ୩ ଲକ୍ଷ ବୃଦ୍ଧି ଘଟିଥିବା ଦାବି କରାଯାଉଛି । ଉଭୟକୁ ମିଶାଇଲେ ଏହା ୮.୨୩ ଲକ୍ଷରେ ପହଁଚିବା କଥା ।ସରକାରୀ ତଥ୍ୟ କହୁଛି ଏହି ସଂଖ୍ୟା ଆଜି ଦିନରେ ୬ ଲକ୍ଷ ରହିଛି । ୨.୨୩ ଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠି କୁଆଡେ ଉଭାନ୍ ହୋଇଗଲେ ?
— Aparajita Sarangi (@AprajitaSarangi) January 5, 2019
୨୦୧୩-୧୪ରେ ୫ ଲକ୍ଷ ୨୩ ହଜାର ଏସଏଚଜି ଗ୍ରୁପ ଥିବା ରାଜ୍ୟ ସରକାର ଦାବି କରୁଥିବା ବେଳେ ଏବେ ୩ ଲକ୍ଷ ଅଧିକ ନୂଆ ଗ୍ରୁପ ତିଆରି ହେଉଥିବା କହୁଛନ୍ତି । ତା’ହେଲେ ସମୁଦାୟ ୮ ଲକ୍ଷ ୨୩ ହଜାର ଗ୍ରୁପ ରହିବା କଥା ।କିନ୍ତୁ ଏହା ୬ ଲକ୍ଷ ଗ୍ରୁପ କେମିତି ହେଲା ବୋଲି ସେ ପ୍ରଶ୍ନ କରିଛନ୍ତି । ସେହିପରି ମହିଳା ଓ ଶିଶୁ ବିକାଶ ମନ୍ତ୍ରାଳୟ ବିଭାଗ ଗତ ବର୍ଷ ଅକ୍ଟୋବରରେ ଏସଏଚଜି ଗ୍ରୁପ ଗୁଡ଼ିକୁ ସିଡ ମନି ପ୍ରଦାନ ପାଇଁ ଚିଠି କରିଥିବା ବେଳେ ଏହା ଚଳିତ ବର୍ଷ ଜାନୁଆରୀରେ ପ୍ରଦାନ କରାଯାଇଛି ।
୧୯ ବର୍ଷର ଲଗାତର ଶାସନ ଦାୟିତ୍ୱରେ ରହିଥିବା ଶାସକ ବିଜେଡି ଏସଏଚଜି ମାନଙ୍କୁ ଆର୍ଥିକ ଦୃଷ୍ଟିରୁ ସଶକ୍ତ କରିବା ପାଇଁ ବିକଳ୍ପ ବାହାର କରିପାରିଲା ନାହିଁ । କେବଳ ସିଡ୍ ମନି ତାହା ପୁଣି ନିର୍ବାଚନ ର ଅବ୍ୟବହିତ ପୂର୍ବରୁ ହିଁ ପ୍ରଦାନ କରାଯାଇଛି । For last two years there was zero budget provision for SHGs!
— Aparajita Sarangi (@AprajitaSarangi) January 5, 2019
ତେଣୁ ସିଡ ମନି ପ୍ରଦାନରେ ଏହି ବିଳମ୍ବ କାହିଁକି ବୋଲି ଅପରାଜିତା ପ୍ରଶ୍ନ କରିଛନ୍ତି । ନାବାର୍ଡ ତଥ୍ୟରୁ ଜଣାପଡୁଛି ମାତ୍ର ୭୨ ହଜାର ଏସଏଚଜି ଗ୍ରୁପ ଗାଁ ସହିତ ସଂଯୁକ୍ତ ଅଛନ୍ତି । ଯଦି ରାଜ୍ୟରେ ୬ ଲକ୍ଷ ଗ୍ରୁପ ଅଛନ୍ତି ତାହେଲେ ଏମାନେ ବ୍ୟାଙ୍କ ସହିତ କାହିଁକି ସଂଯୁକ୍ତ ନୁହେଁ ବୋଲି ସେ ଟୁଇଟ ଯୋଗେ ପ୍ରଶ୍ନ କରିଛନ୍ତି ।
ନାବାର୍ଡର ତଥ୍ୟ ସ୍ପଷ୍ଟ କରୁଛି ବାର୍ଷିକ ହାରାହାରି ୭୨ ହଜାର ମହିଳା ସ୍ୱୟଂ ସହାୟକ ଗୋଷ୍ଠି ବ୍ୟାଙ୍କ୍ ଋଣ ପାଉଛନ୍ତି । ଯଦି ୬ ଲକ୍ଷ ଗୋଷ୍ଠି ଅଛି ଏବଂ ଏଥିରୁ ମାତ୍ର ୭୨ ହଜାର ବ୍ୟାଙ୍କ ଋଣ ପାଉଛନ୍ତି ତାହାହେଲେ ଏହା ସ୍ପଷ୍ଟ କରୁଛି କ୍ଷୁଦ୍ର ଉଦ୍ୟୋଗ ଓ ବ୍ୟାଙ୍କ ସହାୟତାରେ କାର୍ଯ୍ୟକ୍ରମ ବହୁତ କମ ।
— Aparajita Sarangi (@AprajitaSarangi) January 5, 2019