ଆର୍ଥିକ ଦୃଷ୍ଟିରୁ ଅନଗ୍ରସର ଉଚ୍ଚବର୍ଗଙ୍କୁ ୧୦% ସଂରକ୍ଷଣ ବିଲକୁ ବିଜେଡିର ସମର୍ଥନ
ବିଜୁ ପଟ୍ଟନାୟକ କହୁଥିଲେ ଗରିବର କୌଣସି ଜାତି ନାହିଁ : ପ୍ରସନ୍ନ ଆଚାର୍ଯ୍ୟ
ନୂଆଦିଲ୍ଲୀ : ଦେଶର ଆର୍ଥିକ ଦୃଷ୍ଟିରୁ ଅନଗ୍ରସର ବର୍ଗଙ୍କୁ ସରକାରୀ ନିଯୁକ୍ତି ଓ ଶିକ୍ଷା କ୍ଷେତ୍ରରେ ୧୦ ପ୍ରତିଶତ ସଂରକ୍ଷଣ ଦେବା ପାଇଁ ମୋଦି ସରକାର ଆଣିଥିବା ବିଲକୁ ବିଜେଡି ସମର୍ଥନ କରିଛି ।
Sambad is now on WhatsApp
Join and get latest news updates delivered to you via WhatsApp
ଆଜି ରାଜ୍ୟସଭାରେ ଏହି ବିଲ ସଂପର୍କରେ ବିତର୍କ ବେଳେ ବିଜେଡି ରାଜ୍ୟସଭା ସାଂସଦ ପ୍ରସନ୍ନ ଆଚାର୍ଯ୍ୟ କହିଥିଲେ ଯେ ତାଙ୍କ ଦଳ ଏହି ବିଲକୁ ବିରୋଧ କରିବାର ପ୍ରଶ୍ନ ଉଠୁନାହିଁ । ଏହି ବିଲ ଏକ ସ୍ୱାଗତଯୋଗ୍ୟ ପଦକ୍ଷେପ, ବରଂ ଏହି ବିଲକୁ ଆଣିବାରେ ସରକାର ଡେରି କରିଦେଲେ ବୋଲି ସେ କହିଛନ୍ତି ।
ପ୍ରବାଦପୁରୁଷ ସ୍ୱର୍ଗତ ବିଜୁ ପଟ୍ଟନାୟକଙ୍କ ଏକ ଉକ୍ତିକୁ ଉଦ୍ଧାର କରି ସେ କହିଥିଲେ ଯେ ଗରିବର କୌଣସି ଜାତି ନାହିଁ । ୧୯୮୯ରେ ମଣ୍ଡଳ ଆନ୍ଦୋଳନ ଚାଲିଥିବାବେଳେ କେତେକ ଆନ୍ଦୋଳନକାରୀ ବିଜୁ ପଟ୍ଟନାୟକଙ୍କ ପାଖକୁ ଆସିବାରୁ ସେ ସେମାନଙ୍କୁ କହିଥିଲେ ଯେ ଗରିବର କୌଣସି ଜାତି ନାହିଁ । ଏହା ଶୁଣି ଆନ୍ଦୋଳନକାରୀମାନେ ସନ୍ତୋଷ ପ୍ରକାଶ କରିଥିଲେ ।