କର୍ଣ୍ଣାଟକର ଜେଡିଏସ-କଂଗ୍ରେସ ସରକାର ଉପରେ ପୁଣି ବିପଦର କଳାବାଦଲ
ବାଙ୍ଗାଲୁରୁ : କର୍ଣ୍ଣାଟକର କ୍ଷମତାରେ ଥିବା ଜେଡିଏସ-କଂଗ୍ରେସ ସରକାର ଉପରେ ପୁଣିଥରେ ସଂକଟର କଳାବାଦଲ ଦେଖାଦେଇଛି । ଗତ ବର୍ଷ ରାଜ୍ୟରେ ଉଭୟ ଦଳ ମିଳିତ ସରକାର ଗଠନ କରିବା ପରେ ନିୟମିତ ଭାବେ ବିବାଦ ରହିଆସିଛି । କେବଳ ଏତିକି ନୁହେଁ କଂଗ୍ରେସ ଦଳ ମଧ୍ୟରେ ଥିବା ଅନ୍ତଃକନ୍ଦଳ ମଧ୍ୟ ମଝିରେ ମଝିରେ ଫୁଟିକି ବାହାରୁଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଏଥର ଦେଖାଦେଇଥିବା ବିବାଦ ଟିକିଏ ଗୁରୁତର ଥିବାରୁ ମୁଖ୍ୟମନ୍ତ୍ରୀ ଏଚ.ଡି. କୁମାରସ୍ୱାମୀ ଆଜି ନିଜର ଦିଲ୍ଲୀଗ୍ରସ୍ତକୁ ବାତିଲ କରି ସହଯୋଗୀ ଦଳସହ ଆଲୋଚନା କରିଛନ୍ତି । ଅନ୍ୟପକ୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିମଧ୍ୟ ମିଳିତ ସରକାରରେ ଥିବା ମତଭେଦ ତୁଟାଇବାକୁ ରାଜ୍ୟ ପ୍ରଭାରୀ କେସି ଭେନୁଗୋପାଳଙ୍କୁ ନିର୍ଦ୍ଦେଶ ଦେଇଛନ୍ତି ।
ନିକଟରେ ରାଜ୍ୟ କଂଗ୍ରେସ ନେତା ରୋଶନ ବେଗ୍ ଭେନୁଗୋପଳଙ୍କୁ ଏକ ଜୋକର ବୋଲି କହିଥିଲେ । ଜୋକର ଭେନୁଗୋପାଳ, ଗର୍ବୀ ସିଦ୍ଧରାମାୟା ଓ ବିଫଳ ଗୁଣ୍ଡୁରାଓ ହିଁ ଏହି ସଂକଟର କାରଣ ବୋଲି ସେ କହିଥିଲେ । ରାଜ୍ୟର ମୋଟ ୨୨୪ ବିଧାନସଭା ଆସନରୁ ବିଜେପି ପାଖରେ ୧୦୪ ବିଧାୟକ ଅଛନ୍ତି। କଂଗ୍ରେସର ୮୦ ଏବଂ ଜେଡିଏସ୍ର ୩୭ ବିଧାୟକ ଥିବା ବେଳେ ବହୁଜନ ସମାଜ ପାର୍ଟି ଏବଂ କେପିଜିପିର ଜଣେ ଲେଖାଏଁ ବିଧାୟକ ଅଛନ୍ତି।