ଭୁବନେଶ୍ବର: ଆଜି ବିଧାନସଭାରେ ମୁହାଁମୁହିଁ ହୋଇଛନ୍ତି ମନ୍ତ୍ରୀ ଓ ପୂର୍ବତନ ମନ୍ତ୍ରୀ । ପ୍ରଶ୍ନକାଳରେ ପ୍ରଦୀପ ମହାରଥୀ ନିଜ ପ୍ରଶ୍ନରେ ନିଜେ ଘାଇଲା ହୋଇଛନ୍ତି । ଆଜି ପ୍ରଶ୍ନକାଳରେ ଶୀତଳ ଭଣ୍ଡାର ଓ ଆଳୁ ମିଶନ ନେଇ କିଛି ପ୍ରଶ୍ନ କରିଥିଲେ ପୂର୍ବତନ ମନ୍ତ୍ରୀ ମହାରଥୀ । ରାଜ୍ୟରେ କେତେ ଶୀତଳ ଭଣ୍ଡାର ରହିଛି ଓ କେତେ ଅଚଳ ରହିଛି ବୋଲି ସେ ପ୍ରଶ୍ନ କରିଥିଲେ । ଏଥିସହ ତୈଳ ଓ ଡାଲି ଜାତୀୟ ଶସ୍ୟ ଅଧିକ ଉତ୍ପାଦନ ହୋଇଛି କି ନାହିଁ ବୋଲି ମଧ୍ୟ ପ୍ରଶ୍ନ କରିଥିଲେ । ମହାରଥୀଙ୍କ ପ୍ରଶ୍ନର ଉତ୍ତର ଦେବା ସହ ତାଙ୍କ ଉଦ୍ଦେଶ୍ୟରେ ତେରଛା ବାଣ ମାରିଥିଲେ ମନ୍ତ୍ରୀ ନିରଞ୍ଜନ ପୂଜାରୀ ।
Sambad is now on WhatsApp
Join and get latest news updates delivered to you via WhatsApp
ମହାରଥୀଙ୍କ ପ୍ରଶ୍ନର ଉତ୍ତର ଦେଇ ପୂଜାରୀ କହିଥିଲେ, ଶୀତଳ ଭଣ୍ଡାର ପ୍ରସଙ୍ଗରେ ମହାରଥୀ ବାବୁ ଯେଉଁ ପ୍ରଶ୍ନ ପଚାରୁଛନ୍ତି ସେ ବିଷୟ ତାଙ୍କୁ ଭଲ ଭାବେ ଜଣା। କାରଣ ପୂର୍ବରୁ ସେ ସେହି ବିଭାଗର ମନ୍ତ୍ରୀ ଥିଲେ । ଆଳୁ ମିଶନ ତାଙ୍କ ସମୟରେ ଆରମ୍ଭ ହୋଇ ଶେଷ ହୋଇଥିଲା । ୧୨୮ଟି ଶୀତଳ ଭଣ୍ଡାରରୁ ମହାରଥୀଙ୍କ ମନ୍ତ୍ରୀତ୍ୱ କାଳରେ ୮୦ ଟି ଶୀତଳ ଭଣ୍ଡାରବନ୍ଦ ହୋଇଯାଇଥିଲା । ବର୍ତ୍ତମାନ ସୁଦ୍ଧା ୪୮ଟି ଶୀତଳ ଭଣ୍ଡାର ସଚଳ ରହିଛି । ବାକି ଶୀତଳ ଭଣ୍ଡାରର ପୁନରୁଦ୍ଧାର ଉଦ୍ୟମ ଚାଲିଛି ।