ନବୀନଙ୍କ କୃଷକ ଅଧିକାର ସମାବେଶକୁ ନିରଂଜନଙ୍କ କଟାକ୍ଷ: ଦିଲ୍ଲୀରେ ନବୀନ ଓ ତାଙ୍କ ଟିମ ୫୨ ଲକ୍ଷର ପ୍ୟାକେଜ ପିକନିକ କରିଛନ୍ତି
ଭୁବନେଶ୍ବର : ମଙ୍ଗଳବାର ଦିଲ୍ଲୀର ତାଲକୋଟରା ଷ୍ଟାଡିୟମଠାରେ ହଜାର ହଜାର ଚାଷୀ, ବିଜେଡି ସମର୍ଥକ, ଦଳୀୟ କର୍ମୀ, ବିଧାୟକ, ସାଂସଦ ଓ ସଙ୍ଗଠନ ଦାୟିତ୍ୱରେ ଥିବା ନେତାମାନଙ୍କ ଉପସ୍ଥିତିରେ ଆୟୋଜିତ ହୋଇଛି କୃଷକ ଅଧିକାର ସମାବେଶ। ଦିଲ୍ଲୀରେ ବିଜେଡିର ଏହି ସମାବେଶକୁ ସମାଲୋଚନା କରିଛନ୍ତି ରାଜ୍ୟ କଂଗ୍ରେସର ସଭାପତି ନିରଂଜନ ପଟ୍ଟନାୟକ । ନିରଂଜନ କହିଛନ୍ତି କି, ଦିଲ୍ଲୀରେ ଚାଷୀମାନେ ନୁହଁନ୍ତି ବରଂ ବିଜେଡିର ମନ୍ତ୍ରୀ, ବିଧାୟକ ଏବଂ କର୍ମକର୍ତ୍ତାମାନେ ବିକ୍ଷୋଭ କରୁଛନ୍ତି । ଏଥିରେ ଜଣେ ହେଲେ ବି ଚାଷୀ ସାମିଲ ହୋଇନାହାଁନ୍ତି ।
Sambad is now on WhatsApp
Join and get latest news updates delivered to you via WhatsApp
Today Naveen Patnaik and Co. are going on a picnic to Delhi which costs Rs 52 lakh. They are doing this in the name of the farmers. Had this money been given to farmers in debt, many precious lives of our annadatas could have been saved. (1/3)
— Niranjan Patnaik (@NPatnaikOdisha) January 8, 2019
ନବୀନ ଓ ତାଙ୍କ ଟିମ ୫୨ ଲକ୍ଷର ପ୍ୟାକେଜ ପିକନିକ କରିଛନ୍ତି କହି ବିଜେଡିର ଦିଲ୍ଲୀ ଗସ୍ତକୁ ବିରୋଧ କରିଛନ୍ତି ନିରଂଜନ। ଚାଷୀଙ୍କ ହକ୍ ପାଇଁ ଲଢିବା ଲାଗି ନୁହେଁ । ବିଜେଡି ସହ ଚାଷୀ ମାନେ ଆଉ ନାହାନ୍ତି । ରାଜ୍ୟ ସରକାର ନିଜ ଶାସନ କାଳ ମଧ୍ୟରେ ଚାଷୀଙ୍କ ପାଇଁ କୌଣସି ଗୋଟିଏ ବି କାମ କରିନାହଁନ୍ତି । ଏହା କେବଳ ଏକ ପ୍ରହସନ । ଚାଷୀଙ୍କ ପାଇଁ ଏମାନେ କୁମ୍ଭୀର କାନ୍ଦଣା କାନ୍ଦୁଛନ୍ତି । ଚଷା କୂଳ ପ୍ରତି ରାଜ୍ୟ ସରକାରଙ୍କର ତିଳେ ମାତ୍ର ଦରଦ ନାହିଁ । କେବଳ କଂଗ୍ରେସ ହିଁ ଚାଷୀଙ୍କ କଥା ଚିନ୍ତା କରୁଛି ବୋଲି କହି ବିଜେଡିକୁ ଟର୍ଗେଟ୍ କରିଛନ୍ତି ନିରଂଜନ ପଟ୍ଟନାୟକ । ଅନ୍ୟ ପଟେ ଧାନମଣ୍ଡିରେ ଅବ୍ୟବସ୍ଥା ପ୍ରସଙ୍ଗରେ କାଉଁଟର ରଣନୀତି କରିଛି ବିଜେପି । ଧାନମଣ୍ଡିରେ ଅବ୍ୟବସ୍ଥାକୁ ନେଇ ସଚିବାଳୟ ଘେରିବାକୁ ଉଦ୍ୟମ କରିଥିଲା ବିଜେପି କୃଷକ ମୋର୍ଚ୍ଚା