ଭୁବନେଶ୍ବର : ଆଜି କଂଗ୍ରେସ ଭବନରେ ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକଙ୍କ ଅଧ୍ୟକ୍ଷତାରେ ଏକ ଗୁରୁତ୍ବପୂର୍ଣ୍ଣ ସା˚ଗଠନିକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଆଗାମୀ ସାଧାରଣ ନିର୍ବାଚନ ପାଇଁ ପ୍ରସ୍ତୁତି କରିବା ସହିତ ଡିସେମ୍ବର ୧୫ ତାରିଖ ସୁଦ୍ଧା ଜୋନ୍ ଓ ବୁଥ୍ କମିଟି ଗଠନ ଚୂଡ଼ାନ୍ତ କରାଯିବ। ଏ ନେଇ ପିସିସି କର୍ମକର୍ତାମାନଙ୍କଠାରୁ ଆରମ୍ଭ କରି ସବୁ ଜିଲ୍ଲାର ଦଳୀୟ କର୍ମକର୍ତାମାନଙ୍କୁ ନିର୍ଦେଶ ଦିଆଯାଇଛି। ଓଡ଼ିଶା ଜାଗରଣ ଯାତ୍ରାକୁ ଅଧିକ କ୍ରିୟାଶୀଳ କରି ସବୁ ଗ୍ରାମପ˚ଚାୟତ ଲୋକଙ୍କ ସହ ସିଧାସଳଖ ଯୋଡ଼ିବା ନେଇ ଜିଲ୍ଲା ସଭାପତିମାନେ ୪ ଦିନ ମଧ୍ୟରେ ସେମାନଙ୍କର କାର୍ଯ୍ୟଖସଡ଼ା ସମ୍ବଳିତ ରିପୋର୍ଟ ପ୍ରସ୍ତୁତ କରି ମୁଖ୍ୟ କାର୍ଯ୍ୟାଳୟକୁ ପଠାଇବାକୁ ବି ନିର୍ଦେଶ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଏହି ବୈଠକରେ ପିସିସି ସଭାପତି ଶ୍ରୀ ପଟ୍ଟନାୟକ ଆଗାମୀ ନିର୍ବାଚନ ପାଇଁ ପ୍ରସ୍ତୁତି ନେଇ ପିସିସି କର୍ମକର୍ତା, ଜିଲ୍ଲା କଂଗ୍ରେସ ସଭାପତି ଓ ପର୍ଯ୍ୟବେକ୍ଷକମାନଙ୍କୁ ଗୁରୁମନ୍ତ୍ର ଦେଇଥିଲେ। ଡିସେମ୍ବର ୧୫ ସୁଦ୍ଧା ପ୍ରତ୍ୟେକ ଜିଲ୍ଲାର ଜିଲ୍ଲା ପରିଷଦ ଜୋନ କମିଟି ଓ ବୁଥ କମିଟି ସ˚ପୂର୍ଣ୍ଣ ରୂପେ ଗଠନ ଶେଷ ହେବ। ସେ କହିଲେ ଯେ ସାଢେ଼ ୧୮ ବର୍ଷର ନବୀନ ସରକାର ଓ ସାଢେ଼ ୪ ବର୍ଷର ମୋଦି ସରକାରଙ୍କର ଜନମାରଣ ନୀତି ବିରୁଦ୍ଧରେ ଲଢ଼େଇ କରିବା ପାଇଁ କ˚ଗ୍ରେସ ଦଳ ହିଁ ଏକମାତ୍ର ବିକଳ୍ପ। ବୈଠକରେ ଯୋଗଦେଇ ବିରୋଧି ଦଳ ନେତା ନରସି˚ହ ମିଶ୍ର କହିଲେ ଯେ କ˚ଗ୍ରେସ ଦଳର ସା˚ଗଠନିକ ପୁନଃବିନ୍ୟାସରେ ଯୁବକମାନଙ୍କୁ ଅଗ୍ରାଧିକାର ଦିଆଯାଇଥିବାରୁ ସ˚ଗଠନ ସୁଦୃଢ଼ ହୋଇପାରିଛି।
ପ୍ରଦେଶ କ˚ଗ୍ରେସ କମିଟିର କାର୍ଯ୍ୟକାରୀ ସଭାପତି ଚିରଞ୍ଜୀବ ବିଶ୍ବାଳ, ନବକିଶୋର ଦାସ, ଏଆଇସିସି ସ˚ପାଦକ ସେକ୍ ମସ୍ତାନ ଅଲ୍ଲୀ, ଯୁଗ୍ମ ସ˚ପାଦକ ଆଦିତ୍ୟ ଶର୍ମା ପ୍ରେଜେକ୍ଟ ଶକ୍ତି ଓ ‘ମୋ ବୁଥ ମୋ ଗୌରବ’ ଉପରେ ଆଲୋଚନା କରିଥିଲେ। ଏଥିରେ ଯୋଗ ଦେଇଥିବା ଶତାଧିକ ଦଳୀୟ କର୍ମକର୍ତା ସେମାନଙ୍କର ମତାମତ ଉପସ୍ଥାପନ କରିଥିଲେ।