ରାଜନୀତିକୁ ଆସିବେ ଜାନକୀ ବଲ୍ଳଭଙ୍କ ପୁତ୍ର : ଟିକେଟ ମିଳିଲେ ନିର୍ବାଚନ ଲଢ଼ିବାକୁ ପ୍ରସ୍ତୁତ ବୋଲି କହିଲେ ପୃଥ୍ୱୀବଲ୍ଲଭ
ଭୁବନେଶ୍ବର: ଚଳିତ ଥର ବିଧାନସଭା ନିର୍ବାଚନ ଲଢିପାରନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ଷିୟାନ କଂଗ୍ରେସ ନେତା ଜାନକୀ ବଲ୍ଲଭ ପଟ୍ଟନାୟକଙ୍କ ପୁଅ ପୃଥ୍ୱୀବଲ୍ଲଭ ପଟ୍ଟନାୟକ । ପିତା ଜାନକୀ ବଳ୍ଳଭ ଦୁଇ ଥର ପ୍ରତିନିଧିତ୍ବ କରିଥିବା ବେଗୁନିଆ ନିର୍ବାଚନମଣ୍ଡଳୀରୁ କଂଗ୍ରେସ ଟିକଟରେ ଲଢ଼ିପାରନ୍ତି ପୃଥ୍ୱୀବଲ୍ଲଭ । ଏ ପ୍ରସଙ୍ଗରେ ସେ କହିଛନ୍ତି, ଦଳ ଟିକେଟ ଦେଲେ ନିର୍ବାଚନ ଲଢିବା ପାଇଁ ପ୍ରସ୍ତୁତ ଅଛି । ବେଗୁନିଆ-ବୋଲଗଡ ନିର୍ବାଚନ ମଣ୍ଡଳୀରେ କଂଗ୍ରେସ ସୁଦୃଢ ଅଛି । ସାରା ରାଜ୍ୟରେ କଂଗ୍ରେସ ସଙ୍ଗଠନ ସୁଦୃଢ କରିବା ମୋର ଲକ୍ଷ୍ୟ ବୋଲି କହିଛନ୍ତି ପୃଥ୍ୱୀବଲ୍ଲଭ ପଟ୍ଟନାୟକ ।
Sambad is now on WhatsApp
Join and get latest news updates delivered to you via WhatsApp
ଗଣମାଧ୍ୟମକୁ ସାକ୍ଷାତ ଦେଇ ପୃଥ୍ୱୀବଲ୍ଲଭ କହିଛନ୍ତି, କଂଗ୍ରେସ ଏକାଠି ହେଲେ ଲାଭବାନ ହେବା ସହ ବିଜୟ ହାସଲ କରିବାରେ ଅସୁବିଧା ରହିବ ନାହିଁ । ନିର୍ବାଚନ ଜିତିବା ନେଇ ମୁଁ ସମ୍ପୂର୍ଣ୍ଣ ଆଶାବାଦୀ । ଲୋକେ ବହୁତ ଭଲ ପାଉଛନ୍ତି । ସମସ୍ତ କଂଗ୍ରେସ ନେତାକୁ ଏକାଠି କରିବା ପାଇଁ ଚେଷ୍ଟା ଜାରି ରହିଛି । କିଏ ଟିକେଟ ପାଇବ ? କିଏ ନେବ ନେତୃତ୍ୱ ? ତାହା ସମ୍ପୂର୍ଣ୍ଣ ଭାବେ ହାଇକମାଣ୍ଡଙ୍କ ଉପରେ ନିର୍ଭର କରୁଛି । ଚଳିତ ଥର ନିର୍ବାଚନରେ କଂଗ୍ରେସ ନିଶ୍ଚିତ ଭାବେ ଭଲ କରିବ । କେବଳ ରାଜ୍ୟରେ ନୁହେଁ ସାରା ଦେଶରେ କଂଗ୍ରେସ ଭଲ ପ୍ରଦର୍ଶନ କରିବ ।
ସୂଚନାଯୋଗ୍ୟ, ଫେବୃଆରି ଆରମ୍ଭରୁ ନିଜର ସମର୍ଥକମାନଙ୍କ ସହିତ ନିର୍ବାଚନ ମୈଦାନରେ ପୃଥ୍ୱୀଙ୍କୁ ଦେଖିବାକୁ ମିଳିଥିଲା । ତେବେ ପୂର୍ବତନ ମୁଖ୍ୟମନ୍ତ୍ରୀ ଜାନକୀ ବଲ୍ଲଭ ପଟ୍ଟନାୟକଙ୍କ ପୁଅ ଭାବେ କଂଗ୍ରେସ ଦଳର ପ୍ରାର୍ଥୀ ହେଲେ କଂଗ୍ରେସ ଲାଭବାନ ହେବ । ସାରା ଓଡ଼ିଶାରେ ଜାନକୀଙ୍କ ଅନୁଗତ ଅଛନ୍ତି । ପୃଥ୍ୱୀବଲ୍ଲଭ କଂଗ୍ରେସରୁ ପ୍ରାର୍ଥୀ ହେଲେ ଜାନକୀଙ୍କ ସମର୍ଥକମାନେ ଏକଜୁଟ ହୋଇ କଂଗ୍ରେସ ପାଇଁ କାର୍ଯ୍ୟ କରିବେ ବୋଲି ଆଶାକରାଯାଉଛି ।