ନୂଆଦିଲ୍ଲୀ : ଦିନକୁ ଦିନ ଶିଶୁମାନଙ୍କ ଉପରେ ଯୌନ ନିର୍ଯାତନା ବଢ଼ି ଚାଲିଥିବା ବେଳେ ଏ ପର୍ଯ୍ୟନ୍ତ ଏହାର ନିରାକରଣ ଲାଗି କୌଣସି ସଠିକ୍ ସମାଧାନର ବାଟ ବାହାର କରାଯାଇ ପାରିନାହିଁା କେତେବେଳେ ୩ ବର୍ଷ ତ କେତେବେଳ ୯ବର୍ଷର ଶିଶୁ ଯୌନ ନିର୍ଯାତନାର ଶିକାର ହେଉଛନ୍ତି । ଗତ ବର୍ଷ ଏ ନେଇ ଏକ ସର୍ଭେ କରାଯାଇଥିବା ବେଳେ ଏକ ଲକ୍ଷରୁ ଅଧିକ ଶିଶୁ ଯୌନ ନିର୍ଯ୍ୟାତନାର ଶିକାର ହୋଇଛନ୍ତି ବୋଲି ଜଣା ପଡ଼ିଛି । କିନ୍ତୁ ଆଶ୍ଚର୍ଯ୍ୟର କଥା ହେଲା ଏକ ଲକ୍ଷ ଶିଶୁଙ୍କୁ ଯୌନ ନିର୍ଯାତନାର ଶିକାର ନେଇ ମାମଲା ରୁଜୁ ହୋଇଥିବା ବେଳେ ସେଥି ମଧ୍ୟରୁ କେବଳ ମାତ୍ର ୨୨୯ଟି ମାମଲାର ସମାଧାନ ହୋଇଛି । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ୍ୟ ।
Sambad is now on WhatsApp
Join and get latest news updates delivered to you via WhatsApp
ଏହି ଅପରାଧ ରୋକିବା ଲାଗି ସ୍ୱତନ୍ତ୍ର ଆଇନ୍ ପ୍ରଣୟନ ହୋଇ ମଧ୍ୟ ଶିଶୁମାନଙ୍କୁ ନ୍ୟାୟ ଠିକ୍ ସମୟରେ ମିଳି ପାରୁ ନାହିଁ । ମୁଖ୍ୟ ବିଚାରପତି ଦୀପକ ମିଶ୍ର ହାଇକୋର୍ଟର ରେଜିଷ୍ଟ୍ରାର ଜେନେରାଲଙ୍କୁ ପୋସ୍କୋ ଆକ୍ଟ ଅନୁଯାୟୀ ରୁଜୁ କରାଯାଇଥିବା ଶିଶୁ ଯୌନ ନିର୍ଯାତନା ମାମଲା ବିଷୟରେ ସୂଚନା ଦେବା ପାଇଁ କହିଥିଲେ । ଏହା ପରେ ଏ ନେଇ ଏକ ସର୍ଭେ କରାଯାଇଥିଲା। ସର୍ଭେରୁ ଜଣାଯାଇଛି, ଏ ପର୍ଯ୍ୟନ୍ତ ରୁଜୁ ହୋଇଥିବା ୧,୦୧,୩୨୬ ମାମଲାରୁ ମାତ୍ର ୨୨୯ଟି ମାମଲାର ଶୁଣାଣି କରାଯାଇଛି। ଏହା ଅତ୍ୟନ୍ତ ନିନ୍ଦନୀୟ । ପୋସ୍କୋ ଆକ୍ଟ ଅନୁଯାୟୀ, ଚାର୍ଜସିଟ୍ ଦାଖଲ ହେବାର ଗୋଟେ ବର୍ଷ ମଧ୍ୟରେ ଶିଶୁ ଯୌନ ନିର୍ଯ୍ୟାତନା ମାମଲାର ଶୁଣାଣି କରାଯାଇଥାଏ । କିନ୍ତୁ ଏଠି ବର୍ଷ ବର୍ଷ ଧରି ମାମଲାର ସମାଧାନ ହେଉ ନ ଥିବାରୁ ନିର୍ଯ୍ୟାତନାର ଶିକାର ହୋଇଥିବା ପିଲାମାନେ ଠିକ୍ ସମୟରେ ନ୍ୟାୟ ପାଇ ପାରୁ ନାହାନ୍ତି ।