ଦୀପାବଳିରେ ଏହି ୬ଟି କଥାକୁ ଧ୍ୟାନ ଦିଅନ୍ତୁ; କରିବାକୁ ପଡ଼ିବନି ଦୁର୍ଘଟଣାର ସାମ୍ନା
ଆଲୋକର ପର୍ବ ଦୀପାବଳିକୁ ଭାରତର ଲୋକମାନେ ଖୁବ୍ ଧୁମ୍ଧାମରେ ପାଳନ କରିଥାନ୍ତି । କିନ୍ତୁ ପ୍ରତିବର୍ଷ ଏହି ଦିନ ଅନେକ ଲୋକ ଦୁର୍ଘଟଣାର ଶିକାର ହୋଇ ମୃତ୍ୟୁବରଣ କରିଥାନ୍ତି । ଯାହା ଅନେକଙ୍କ ଦୀପାବଳିକୁ ଫିକା କରି ଦେଇଥାଏ । ଛୋଟ ପିଲାଙ୍କଠାରୁ ଆରମ୍ଭ କରି ବଡ଼ ଲୋକଙ୍କ ପର୍ଯ୍ୟନ୍ତ ସମସ୍ତେ ଦୀପାବଳିରେ ଦୀପ ଜାଳିବା ସହ ବାଣ ମଧ୍ୟ ଫୁଟାଇଥାନ୍ତି । ବେଳେ ବେଳେ ବାଣ ଫୁଟାଇବା ସମୟରେ ଅସାବଧାନତା ପାଇଁ ଦୁର୍ଘଟଣା ଘଟିଥାଏ । ଚଳିତବର୍ଷ ଯେମିତି ସେପରି କିଛି ଆପଣଙ୍କ ସହ ନ ଘଟୁ ସେ ନେଇ ଏହି ୬ଟି କଥାକୁ ଧ୍ୟାନରେ ରଖନ୍ତୁ ।
Sambad is now on WhatsApp
Join and get latest news updates delivered to you via WhatsApp
୧. ବାଣ ସବୁବେଳେ ଖୋଲା ସ୍ଥାନରେ ଫୁଟାନ୍ତୁ। ପାଖରେ ପେଟ୍ରୋଲ, ଡିଜେଲ, କେରୋସିନ ବା ଗ୍ୟାସ୍ ସିଲିଣ୍ଡର ଥିଲେ ସେଠାରେ ଭୁଲରେ ମଧ୍ୟ ବାଣ ଫୁଟାନ୍ତୁ ନାହିଁ ।
୨. ଆଜିକାଲି ବଜାରରେ ନକଲି ବାଣର ପରିମାଣ ବଢ଼ିବାରେ ଲାଗିଛି । ସେଥିପାଇଁ ବାଣ କିଣିବା ସମୟରେ ଅସଲି ଓ ନକଲିର ପରଖ କରି ନେବା ଦରକାର ।
୩.ବାଣ ଫୁଟାଇବା ସମୟରେ ଲମ୍ବା ବାଡ଼ିର ବ୍ୟବହାର କରିବା ସହ ମହମବତୀର ବ୍ୟବହାର କରନ୍ତୁ । ଦିଆସିଲି ବା ଲାଇଟର ସାହାଯ୍ୟରେ ଜମା ବି ବାଣ ଫୁଟାନ୍ତୁ ନାହିଁ ।
୪.ଏହା ଛଡ଼ା ଲୋକମାନେ ଏକା ସମୟରେ ବିଭିନ୍ନ ପ୍ରକାରର ବାଣ ଫୁଟାଇଥାନ୍ତି । ଯାହାଦ୍ୱାରା ଦୁର୍ଘଟଣା ଘଟିବାର ଆଶଙ୍କା ବଢ଼ି ଯାଇଥାଏ। ସେଥିପାଇଁ ଗୋଟେ ସମୟରେ ଗୋଟେ ପ୍ରକାରର ବାଣ ଫୁଟାଇବା ପାଇଁ ଚେଷ୍ଟା କରନ୍ତୁ ।
୫.ଯଦି କୌଣସି ବାଣକୁ ଗୋଟେ ଥର ଜଳାଇବା ପରେ ତାହା ନ ଜଳୁଛି । ତେବେ ତାହାକୁ ଦ୍ୱିତୀୟ ଥର ଜଳାଇବା ପାଇଁ ଚେଷ୍ଟା କରନ୍ତୁ ନାହିଁ । ଏହା ସହ ସେହି ବାଣକୁ ହାତରେ ନ ଉଠାଇ ସେଥିରେ ପାଣି ପକାଇ ଦିଅନ୍ତୁ ।
୬.ଦୀପ ଜଳାଇବା ଏବଂ ବାଣ ଫୁଟାଇବା ସମୟରେ ନାଇଲନ୍ ବା ଖସଡ଼ା ପୋଷାକ ନ ପିନ୍ଧି ସୂତା ତିଆରି ପୋଷାକ ପିନ୍ଧିବା ପାଇଁ ଚେଷ୍ଟା କରନ୍ତୁ ।