ଘୋଡ଼ା ଚଢ଼ିଲେ ଦୁଇ ଭଉଣୀ, ବିବାହ ପାଇଁ କନ୍ୟାଯାତ୍ରୀଙ୍କୁ ଧରି ବର ଘରେ ପହଞ୍ଚିଲେ
ଖଣ୍ଡୱା: ଯୁବକ ହୁଅନ୍ତୁ ବା ଯୁବତୀ, ନିଜ ନିଜର ବିବାହ ଦିନକୁ ନେଇ ସମସ୍ତେ ଉତ୍ସାହିତ ଥାଆନ୍ତି। ଆଉ ଯୁବତୀମାନେ ଘୋଡ଼ାରେ ବସି ସ୍ବପ୍ନର ରାଜକୁମାର ନେବାକୁ ଆସିବାର ସ୍ବପ୍ନ ଦେଖୁଥିବା ବେଳେ ମଧ୍ୟପ୍ରଦେଶରେ ଏହାର ଠିକ୍ ଓଲଟା ଘଟିଛି। ବର ନୁହେଁ ବରଂ କନ୍ୟା ଘୋଡ଼ାରେ ଚଢ଼ି ବର ଘରେ ପହଞ୍ଚିଥିବା ଜଣାପଡ଼ିଛି। ବଧୂ ବେଶରେ ସଜ ହୋଇ ଘୋଡ଼ାରେ ଚଢ଼ି ଦୁଇ ଭଉଣୀ ନିଜ ନିଜର ବର ପାଖରେ ପହଞ୍ଚିବା ଖବରକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି।
Sambad is now on WhatsApp
Join and get latest news updates delivered to you via WhatsApp
ତେବେ ପଟିଦାର ସମୁଦାୟରେ ଏଭଳି ପ୍ରଥା ଥିବାରୁ ଦୁଇ ଭଉଣୀ ସାକ୍ଷୀ ଓ ସୃଷ୍ଟି ଏଭଳି କରିଥିବା ଜଣା ପଡ଼ିଛି। ଜାନୁଆରି ୨୨ରେ ଦୁହିଁଙ୍କର ବିବାହ ଥିବା ବେଳେ କନ୍ୟାଯାତ୍ରୀଙ୍କୁ ଧରି ବର ଘରେ ପହଞ୍ଚିଥିଲେ ସାକ୍ଷୀ ଓ ସୃଷ୍ଟି। ଏହା ପରେ ଦୁହିଁଙ୍କ ବିବାହ ହୋଇଥିଲା। ସାକ୍ଷୀ ଓ ସୃଷ୍ଟିଙ୍କ ବାପା ଅରୁଣଙ୍କ କହିବା ମୁତାବକ, ପଟିଦାର ସମୁଦାୟରେ ୪୦୦-୫୦୦ବର୍ଷରୁ ଏହି ପ୍ରଥା ପାଳନ ହୋଇ ଆସୁଛି, ଯାହାକୁ ଆମେ ଏବେ ଆଗକୁ ବଢ଼ାଉଛୁ। କେନ୍ଦ୍ର ସରକାରଙ୍କ ବେଟି ବଚାଓ, ବେଟି ପଢ଼ାଓ ଅଭିଯାନକୁ ସମର୍ଥନ କରି ଆମେ ଏହାକୁ ଆଗକୁ ବଢ଼ାଉଛୁ। ସମାଜରେ ପୁରୁଷ-ମହିଳାଙ୍କୁ ସମାନ ଅଧିକାର ମିଳିବା ଦରକାର, ଯାହା ଆମେ ଏହି ପ୍ରଥା ମାଧ୍ୟମରେ ଲୋକଙ୍କୁ ଜଣାଉଛୁ। ମୁଁ ଅନ୍ୟ ସମୁଦାୟମାନଙ୍କୁ ଏହି ପ୍ରଥାକୁ ଆପଣାଇବା ପାଇଁ ଅନୁରୋଧ କରୁଛି।
Madhya Pradesh: Sakshi and Srishti, two sisters who had their wedding ceremonies on 22nd January, took out their own wedding procession (baraat) and rode horses to reach houses of their grooms in Khandwa, as a tradition followed by Patidar community. pic.twitter.com/80o27FtZuY
— ANI (@ANI) January 24, 2020
ସେହିଭଳି ଭାବରେ ନିଜ ସମୁଦାୟର ଏହି ପ୍ରଥାକୁ ନେଇ ସୃଷ୍ଟି କହିଛନ୍ତି, ଏହି ସମୁଦାୟର ଏକ ଅଂଶ ହୋଇ ମୁଁ ଗର୍ବିତ। ଏହା ସହ ଏବେ ବି ଆମ ସମୁଦାୟର ଲୋକ ୫୦୦ବର୍ଷ ପ୍ରଥାକୁ ଆଗକୁ ବଢ଼ାଉଛନ୍ତି, ସେ ନେଇ ମୁଁ ବହୁତ ଖୁସି।