ଯଦି ଆପଣ ବ୍ୟାଙ୍କ ସହ ଜଡିତ କାର୍ଯ୍ୟ କରୁଥାନ୍ତି ତେବେ ଆପଣଙ୍କୁ ଚେକ୍ ସମ୍ବନ୍ଧରେ ନିଶ୍ଚୟ ଜ୍ଞାନ ଥିବ । ବହୁତ କମ୍ ହିଁ ଲୋକ ଜାଣିଛନ୍ତି କି ବ୍ୟାଙ୍କିଂରେ କ୍ୟାନସେଲ ଚେକର ଆବଶ୍ୟକତା ବି ରହିଥାଏ । ଅନେକ ସମୟରେ ଚେକରେ ଦୁଇ ଲାଇନ୍ ଟାଣି ତାର ମଝିରେ କ୍ୟାନସେଲ ଲେଖି ଦେଇଥାନ୍ତି ତେବେ ସେହି ଚେକକୁ କ୍ୟାନସେଲ ବୋଲି କୁହାଯାଇଥାଏ । ଏଭଳି କରିବା ଦ୍ୱାରା ଚେକର ଦୁରୁପୋଯୋଗର ଆଶଙ୍କା ନଥାଏ । ଏଭଳି ନୁହେଁ କି କ୍ୟାନସେଲ ଚେକ୍ କୌଣସି କାମରେ ଆସିବ ନାହିଁ । ଏହି ଚେକକୁ ଅନ୍ୟ କାମରେ ବି ବ୍ୟବହାର କରିପାରିବେ ।
Sambad is now on WhatsApp
Join and get latest news updates delivered to you via WhatsApp
ଚେକ ଉପରେ ଆକାଉଂଟ ହୋଲ୍ଡରର ନାଁ, ବ୍ୟାଙ୍କ ଆକାଉଂଟ ନମ୍ବର,ଆଇଏଫଏସସି କୋଡ, ବ୍ୟାଙ୍କ ଏବଂ ବ୍ରାଂଚର ନାଁ ସହିତ ଅନ୍ୟାନ୍ୟ ସୂଚନା ଆଦି ଦିଆଯାଇଥାଏ । କ୍ୟାନସେଲ ଚେକ ଉପରେ ବି ଏହି ସୂଚନା ରହିଥାଏ ଏବଂ ଏହାକୁ ଆପଣ ଆପଣଙ୍କ କାମରେ ଲଗାଇପାରିବେ । ଏହାଛଡା ଅନ୍ୟ କୌଣସି ଆର୍ଥିକ କାମକାର୍ଯ୍ୟ ପାଇଁ ବି କ୍ୟାନସେଲ ଚେକକୁ ବ୍ୟବହାର କରିପାରିବେ । ତେବେ ଆସନ୍ତୁ ଜାଣିବା ଏସଂପର୍କରେ..
ଇନସ୍ୟୁରାନ୍ସ ଏବଂ ବ୍ୟାଙ୍କ ଆକାଉଣ୍ଟ ପାଇଁ
ଯଦି ଆପଣ ଇନସ୍ୟୁରାନ୍ସ ପ୍ଲାନ ନେବାକୁ ଚାହୁଁଛନ୍ତି ତେବେ ବାକି ଡକ୍ୟୁମେଂଟ ସହିତ ଆପଣଙ୍କୁ କ୍ୟାନସେଲ ଚେକ ବି ଦେବାକୁ ପଡିଥାଏ । ଇନସ୍ୟୁରାନ୍ସ ଛଡା ଯଦି ଆପଣ ଅନ୍ୟ ବ୍ୟାଙ୍କର ଆକାଉଂଟ ଖୋଲିବାକୁ ଚାହୁଁଛନ୍ତି ତେବେ କ୍ୟାନସେଲ ଚେକ୍ ଆପଣଙ୍କ କାମରେ ଆସିପାରେ । ନୂଆ ବ୍ୟାଙ୍କ ଆକାଉଂଟ ପାଇଁ ଆପଣ ଆପଣଙ୍କର ବର୍ତ୍ତମାନର ଆକାଉଂଟର କେ କ୍ୟାନସେଲ ଚେକ୍ ବ୍ୟାଙ୍କରେ ଦେଇପାରିବେ ।
ଡିମେର୍ଟ ଆକାଉଣ୍ଟ
ସେୟାର ମାର୍କେଟରେ ନିବେଶ ପାଇଁ ଡିମେଟ ଆକାଉଂଟ ଜରୁରୀ ହେବା ଦରକାର । ଡିମେଟ ଆକାଉଂଟ ବିନା ଷ୍ଟକ୍ସରେ ନିବେଶ କରିପାରିବେ ନାହିଁ । ଯଦି ଆପଣଙ୍କର ଡିମେଟ ଆକାଉଂଟ ଖୋଲିବାକୁ ଚାହୁଁଛନ୍ତି ତେବେ ଆପଣଙ୍କୁ ଆଇଡି ପ୍ରୁଫ୍, ଆକାଉଂଟ ଏପନିଂ ଫର୍ମ ଭଳି ଡକ୍ୟୁମେଂଟ ସହିତ କ୍ୟାନସେଲ ଚେକ ବି ବ୍ରୋକରଙ୍କୁ ଦେବାକୁ ପଡିବ । ତେବେ ଯାଇ ଆପଣଙ୍କର ଡିମେଟ ଆକାଉଂଟ ଖୋଲି ପାରିବ ।
ପିଏଫ ଉଠାଣ ପାଇଁ
ସରକାରୀ ଏବଂ ବ୍ୟକ୍ତିଗତ କର୍ମଚାରୀମାନଙ୍କର ଦରମାର କିଛି ଭାଗ ପ୍ରତିମାସ ପ୍ରୋଭିଡେଂଟ ଫଣ୍ଡରେ ଜମା ହୋଇଥାଏ । ଯଦି ଆପଣ ଏହି ଫଣ୍ଡରେ ଜମା ଟଙ୍କା ଉଠାଇବାକୁ ଚାହୁଁଛନ୍ତି ତେବେ ଏଥିପାଇଁ ଆପଣଙ୍କୁ କ୍ୟାନସେଲ ଚେକ୍ ଦେବାକୁ ପଡିଥାଏ ।