ପରିବେଶର ସୁରକ୍ଷା ପାଇଁ ଦୁଇ ଚେନ୍ନାଇ ଯୁବକଙ୍କ ଅଭିନବ ପ୍ରୟାସ, ଆରମ୍ଭ କଲେ ଜିରୋ-ୱେଷ୍ଟ ଗ୍ରସୋରୀ ଷ୍ଟୋର
ଚେନ୍ନାଇ : ଚର୍ଚ୍ଚାରେ ତାମିଲନାଡୁର ଦୁଇ ସାଙ୍ଗ, ଯାହାଙ୍କ ଅଭିନବ ପ୍ରୟାସ ଏବେ ଲୋକଙ୍କୁ ପ୍ରଶଂସା କରିବା ପାଇଁ ବାଧ୍ୟ କରିଛି । ପରିବେଶ ବିଷୟରେ ଭାବି ସେ ଯେଉଁ ପଦକ୍ଷେପ ୨୦୧୮ରେ ନେଇଥିଲେ, ତାହା ଏବେ ଦୁହିଁଙ୍କୁ ପ୍ରଶଂସାର ପାତ୍ର ବନାଇଛି । ଆଜି ଏଠି ଯାହାଙ୍କ ବିଷୟରେ କୁହାଯାଉଛି, ସେ ହେଉଛନ୍ତି ପ୍ରେମ ଆଣ୍ଟୋନି ଏବଂ ଏନ୍ ପ୍ରଦୀପ କୁମାର । ଦୁହେଁ ଦଶମ ଶ୍ରେଣୀରୁ ସାଙ୍ଗ ହୋଇ ପରିବେଶ ପାଇଁ କିଛି କରିବାକୁ ଚିନ୍ତା କରିଥିଲେ । ଲୋକେ ପ୍ଲାଷ୍ଟିକର ବ୍ୟବହାର କରି ତାକୁ ଫିଙ୍ଗି ଦେଉଥିବା ବେଳେ ତାହା ମାଟିରେ ନ ମିଶି ପରିବଶକୁ ପ୍ରଦୂଷିତ କରୁଥିଲା । ଏହାକୁ ଆଖି ଆଗରେ ରଖି ୨୦୧୮ରେ ଦୁହେଁ ‘ଇକୋଇଣ୍ଡିଆନ’ ନାଁରେ ଗ୍ରୋସରୀ ଷ୍ଟୋର ଖୋଲିଥିଲେ । ଯେଉଁଠି ସେ ଗ୍ରୋସରୀ ଜିନିଷ ରଖିବା ପାଇଁ ପ୍ଲାଷ୍ଟିକ ଡ଼ବା ବ୍ୟବହାର କରିବା ପରିବର୍ତ୍ତେ କାଚର ଡ଼ବା ବ୍ୟବହାର କରିବା ଆରମ୍ଭ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ପ୍ରେମଙ୍କ କହିବା ଅନୁଯାୟୀ, ଇକୋଇଣ୍ଡିଆନ ଆରମ୍ଭ କରିବା ସମୟରେ ଆମ ଗ୍ରୋସରୀ ଷ୍ଟୋର ସଂପୂର୍ଣ୍ଣ ପ୍ରଦୂଷଣ ସାମଗ୍ରୀ ମୁକ୍ତ ନଥିଲା । କିନ୍ତୁ ୨ମାସ ପରେ ମୁଁ ଏବଂ ପ୍ରଦୀପ ଚିନ୍ତା କରି ଗ୍ରୋସରୀ ଷ୍ଟୋରରେ ବ୍ୟବହାର ହେଉଥିବା ସବୁ ଜିନିଷ କାଚର କରିଥିଲୁ । ଆମର ସବୁ ପ୍ଲାଷ୍ଟିକ ଡ଼ବା ଏବଂ ଗ୍ରାହକକୁ ଜିନିଷ ଦେବା ପାଇଁ ବ୍ୟବହାର କରାଯାଉଥିବା ପ୍ଲାଷ୍ଟିକକୁ ବଦଳାଇ କାଚର ଜିନିଷ ବ୍ୟବହାର ଆରମ୍ଭ କରିଥିଲୁ । ଏହା ସହ ଏବେ ଗ୍ରାହକମାନେ ମଧ୍ୟ ଘରୁ ଜିନିଷ ନେବା ପାଇଁ ପାତ୍ର ଆଣି ଆସିବାର ସୁବିଧା ରଖା ଯାଇଛି ବୋଲି କହିଛନ୍ତି ପ୍ରେମ ।