ପେଇଚିଙ୍ଗ:ଚୀନରେ ଜେଲରେ ବନ୍ଦୀ ଥିବା ନିଜ ନିଜ ସ୍ୱାମୀମାନଙ୍କୁ ନ୍ୟାୟ ଦେବା ଲାଗି କେତେଜଣ ମହିଳା ଲଣ୍ଡା ହୋଇ ବିକ୍ଷୋଭ ପ୍ରଦର୍ଶନ କରିଛନ୍ତି। ପେଶାରେ ଓକିଲ ଓ ତାଙ୍କର ତିନି ସମର୍ଥକ ଚୀନ୍ର ଜେଲରେ ବନ୍ଦୀ ଜୀବନ ବିତାଉଛନ୍ତି। ସେମାନଙ୍କୁ ଜେଲରୁ ମୁକ୍ତ କରିବା ଲାଗି ସେହି ବନ୍ଦୀମାନଙ୍କ ପତ୍ନୀମାନେ ବିକ୍ଷୋଭ ପ୍ରଦର୍ଶନ କରିଛନ୍ତି।ଚୀନର ଏହି ୪ ଜଣ ମହିଳା ହାଙ୍ଗସେକୁନ୍ ଉଚ୍ଚ ନ୍ୟାୟାଳୟ ସମ୍ମୁଖରେ ଏହି ବିକ୍ଷୋଭ ପ୍ରଦର୍ଶନ କରିଥିଲେ। ଏହି ମହିଳାମାନେ କହିଛନ୍ତି ଯେ ସେମାନେ ଲଣ୍ଡା ହୋଇ ରହିପାରିବେ,କିନ୍ତୁ ଦେଶରେ ଆଇନ୍କୁ ଅନ୍ତ କରାଯାଇ ନପାରେ।
Sambad is now on WhatsApp
Join and get latest news updates delivered to you via WhatsApp
ଏହି ମହିଳାମାନଙ୍କ ସ୍ୱାମୀମାନଙ୍କୁ ଗତ ୨୦୦୫ ଜୁଲାଇ ୯ ତାରିଖରେ ଗିରଫ କରାଯାଇଥିଲା। ଜମି ଅଧିଗ୍ରହଣ ବିରୁଦ୍ଧରେ ଓକିଲ ଓ ତାଙ୍କର ତିନି ସମର୍ଥକ ବିକ୍ଷୋଭ କରୁଥିଲେ। ଗିରଫ ହୋଇଥିବା ସକିଲ ବାଙ୍ଗ ୨୦୦ ସକିଲଙ୍କ ମଧରୁ ଜଣେ,ଯାହାଙ୍କୁ ଗିରଫ କରାଯାଇଥିଲା। ବାଙ୍ଗଙ୍କ ମୁକ୍ତିଲାଭ ବିକ୍ଷୋଭ ପ୍ରଦର୍ଶନ କରୁଥିବା ତାଙ୍କ ପତ୍ନୀ ଲି ବେଂଜୁର କହିଛନ୍ତି ଯେ ଗତ ୩ ବର୍ଷ ଭିତରେ ତାଙ୍କ ପକ୍ଷରୁ ୩୦ରୁ ଅଧିକ ଆବେଦନ ପତ୍ର ପ୍ରେରଣା କରାଯାଇଛି,କିନ୍ତୁ ଏହାର ଉତ୍ତର ତାଙ୍କୁ ମିଳି ନାହିଁ। ଅନ୍ୟ ଜଣେ ମହିଳା ଲିୟୁ ଏରମିନ୍ କହିଛନ୍ତି ଯେ ଜେଲରେ ତାଙ୍କ ସ୍ୱାମୀ ୟାମିନୀଙ୍କୁ ନିର୍ଯ୍ୟାତନା ଦିଆଯାଉଛି।